Tashenov ýnıversıtetinde el damýynyń jańa baǵyttary talqylandy

ASTANA. KAZINFORM - J.Tashenov atyndaǵy ýnıversıtette ǵalymdar, zańgerler men stýdentter bas qosyp, Memleket basshysynyń «Qazaqstannyń jańa tarıhı kezeńdegi ózekti mindetteri» atty Joldaýynyń negizgi baǵyttary jóninde oılaryn ortaǵa saldy.

Tashenov ýnıversıtetinde el damýynyń jańa baǵyttary talqylandy
Foto: Astana ákimdiginiń ishki saıasat basqarmasy

Kezdesýdiń basty maqsaty – Prezıdent bastamalarynyń elimizdiń áleýmettik-ekonomıkalyq jáne qoǵamdyq-saıası ómirine yqpalyn zerdeleý, sondaı-aq otandyq ǵylym men joǵary bilim berýdi damytýdyń jańa baǵyttaryn aıqyndaý boldy.

Ýnıversıtet rektory, zań ǵylymdarynyń kandıdaty Janar Rysbekova Memleket basshysy kótergen bastamalar aıasynda joǵary bilim berýdiń strategııalyq basymdyqtary týraly baıandama jasady.

Tashenov ýnıversıtetinde el damýynyń jańa baǵyttary talqylandy
Foto: Astana ákimdiginiń ishki saıasat basqarmasy

– «Prezıdent Joldaýynyń basty ıdeıasy – Qazaqstan jańa tehnologııalardy tutynýshy ǵana emes, bilim men ǵylymnyń kómegimen olardy ózi jasaıtyn elge aınalýy kerek. Memleket basshysy bolashaq urpaqqa bilimge negizdelgen, qýatty ári joǵary tehnologııaly Qazaqstandy qaldyrý qajettigin atap ótti. Sondaı-aq jasandy ıntellekt negizinde tsıfrlyq ekonomıkany qalyptastyrýdy jalpyulttyq mindet retinde belgiledi.

Joldaýda ǵylymdy, óndiristi, logıstıkany jáne tehnologııalyq kásipkerlikti biriktiretin óńirlik ekojúıeler qurý qajettigi naqty aıtylǵan. Búginde zerthanada dúnıege kelgen ǵylymı ıdeıa ekonomıkaǵa engiziletin daıyn ónimge aınalýy tıis. Prezıdent Joldaýy joǵary bilim men ǵylym salasyna jańa mindettermen qatar, tyń múmkindikter de usynyp otyr, – dedi ýnıversıtet rektory.

Jıynǵa qatysýshylar zań ústemdigin qamtamasyz etý jáne «Zań men tártip» qaǵıdatyn ádiletti qoǵamnyń negizi retinde is júzinde ornyqtyrý máselelerin de jan-jaqty talqylady. Sonymen qatar, Konstıtýtsııalyq negizderdi nyǵaıtý jáne qoǵamdyq kelisimdi saqtaý taqyryptary qozǵaldy.

Tashenov ýnıversıtetinde el damýynyń jańa baǵyttary talqylandy
Foto: Astana ákimdiginiń ishki saıasat basqarmasy

Talqylaýdyń mańyzdy bóligi Qazaqstan Respýblıkasy Táýelsizdiginiń 35 jyldyǵyna arnaldy. Spıkerler men qonaqtar elimizdiń tarıhı damý joly, ulttyq qundylyqtardy saqtaý, azamattyq jaýapkershilik pen qazirgi kezeńdegi qoǵam birligin nyǵaıtý máseleleri jóninde pikir almasty.

Dıskýssııaǵa ýnıversıtet basshylyǵy, oqytýshylar, sarapshylar, zańgerler qaýymdastyǵynyń ókilderi, qoǵam belsendileri men jýrnalıster qatysty.

Uıymdastyrýshylardyń aıtýynsha, mundaı ashyq pikir almasý alǵa qoıylǵan mindetterdiń mánin tereńirek túsinýge, sarapshylar men qoǵam arasyndaǵy dıalogty nyǵaıtýǵa jáne jastardyń Qazaqstannyń qoǵamdyq-saıası ómirine degen qyzyǵýshylyǵyn arttyrýǵa múmkindik berdi.