Tasbaqalardyń júgirý jyldamdyǵynda jańa álemdik rekord ornatyldy
ASTANA. QazAqparat - Ulybrıtanııada turatyn Bertı álemdegi eń jyldam júretin tasbaqa bolyp tanyldy. Gınnestiń rekordtar kitabynyń resmı saıtynda Bertıdiń bir saǵatta bir shaqyrymǵa jýyq qashyqtyqty artqa tastaǵandyǵy týraly aqparat paıda boldy.
Baqylaý ólsheýiniń barysynda Bertı 19,59 sekýndta 5,48 metrden ótip, sekýndyna 0,28 metr jyldamdyǵyn kórsetti. Onyń ıeleri Djanın men Marko Kaltsını Anglııanyń soltústik shyǵysyndaǵy Daremde oıyn-saýyq parkine ıe. Olardyń Shellı esimdi taǵy bir tasbaqasy bar, biraq ol jyldamdyqqa júgirýde osaldyq tanytady.
Tasbaqalardyń júrý jyldamdyǵynyń buǵan deıingi rekordy 1971 jyly tirkelip, saǵatyna 0,45 shaqyrymdy quraǵan. Ony Ulybrıtanııa tasbaqasy Charlı ornatqan bolatyn. Foto: guinnessworldrecords.com
