Tasadaǵy tulǵa: aldaǵy ýaqytta AQSh vıtse-prezıdenti bolýy yqtımal adam jaıynda ne bilemiz
ASTANA. KAZINFORM – Mınnesota gýbernatory Tım Ýolz Kamala Harrıstiń saılaý naýqany barysyndaǵy seriktesi boldy. Dál osy jaıt buryn muǵalim bolǵan ári Ulttyq gvardııa ardagerine Demokratııalyq partııanyń jeńis jolyndaǵy kúresin basqarý múmkindigin berip otyr, dep habarlaıdy Kazinform agenttiginiń tilshisi CNN telearnasyna silteme jasap.
Buryn pedagog bolǵan Tım Ýolz qazirgi ýaqytta Mınnesota gýbernatory qyzmetin atqarady. Bul onyń ekinshi merzimi, sonymen qatar ol Demokrat gýbernatorlar qaýymdastyǵyna da basshylyq jasaıdy. Osydan 12 jyl buryn Kongresste qyzmet etip, aýyldyq okrýgterdiń konservatıvti kóńil-kúıin bildirgen edi. Ol Kongresste qyzmet etken ýaqytta da, odan keıin de negizinen respýblıkashylar basymdyqqa ıe.
Munyń aldynda Tım Ýolz Djo Baıden tipti pikirtalastar barysynda sátsizdikke ushyrasa da onyń jaqtaýshysy bolǵan-dy. Djo Baıden saılaýǵa qatysýdan bas tartqan kezde Tım Ýolz kelesi kúni-aq Kamala Harrıske qoldaý bildirdi jáne sol ýaqyttan beri Demokratııalyq partııa atynan túsip otyrǵan kandıdattyń senimdi, jigerli ári ótkir jaqtasy retinde ózin kórsetip keledi.
Sońǵy apta ishinde Tım Ýolz respýblıkashylarǵa qarata birqatar este qalarlyq sóz tirkesterin aıtqany bar. Degenmen, olardyń ishinde Donald Tramp pen Ogoıodan senator Dj.Venska zatbelgi ilip qoıýǵa degen batyldyǵy erekshelengeni sózsiz. Ol bul jupty olardyń saıası kún tártipterine qatysty sóz sóılemes buryn «birtúrli jigitter» dep atady.
Dál osy sóz tirkesi kópshiliktiń kókeıinde qalyp, Baıdenge qarsy naýqannyń jańa kezeńindegi negizgi memge aınaldy.
Tım Ýolz otbasyna qatysty, áıeli Gvenmen baılanysty belsizdik problemasy jaıly aıtyp berdi. Dál osy jaıt oǵan ekstrakorporaldy uryqtandyrýǵa narazylyq tanytýshylarǵa qarsylarǵa nemese kúmánmen qaraýshylarǵa qarsy shyǵý kezinde bedelin birshama kóterýge múmkindik beredi.
«Úlken qyzymnyń aty – Hoýp (Senim). Óıtkeni, jubaıymyz ekeýimiz 7 jyl boıy bala súıe almadyq. Bizge belsizdikten emdelýge týra keldi. Mundaı dúnıeni, ekstrakorporaldy uryqtandyrýdy (respýblıkashylar MAGA) shekteıtin edi», - dedi Ýolz Harrıs jaqtastaryna qarata aıtqan sózinde.
Tım Ýolz Kongresske deıin orta mektep muǵalimi jáne fýtbol jattyqtyrýshysy boldy. Sonymen qatar Armııa Ulttyq gvardııasynda qyzmet etip, qatardaǵy jaýynger qol jetkize alatyn eń joǵary shenderdiń biri – aǵa serjant-maıor shenine deıin kóterildi. Kongreste qyzmet etken 10 jyldan astam ýaqyttyń ishinde ol birjynysty nekege tyıym salýǵa qarsy bolyp, túsik tastaý quqyǵyna qoldaý bildirdi. Munan bólek, qarý-jaraq quqyǵyna qarsy shyqty jáne bul áreketi qarý-jaraq lobbıleriniń kóńiline qona qoıǵan joq.
2022 jyly Demokratııalyq fermerlik-leıborıstik partııasy (shtattyń Demokratııalyq partııasyn osylaı ataıdy – red. eskertpesi) shtattyń Ókilder palatasyn da, Senatyn da baqylaýdy qolǵa alady. Dál osy jaıt Ýolzge memlekettik mektep oqýshylaryna arnalǵan tegin túski as, medıtsınalyq kómekke qol jetimdilikti arttyrý, jumysshylarǵa kásipodaq qurýǵa múmkindik beretin qorǵanys sharalaryn kúsheıtý, sonymen qatar naýqastanýyna baılanysty aqyly eńbek demalysy men otbasylyq demalysty keńeıtý sııaqty birqatar aýqymdy áleýmettik qamsyzdandyrý baǵdarlamalary týraly Zańǵa qol qoıýǵa múmkindik berdi.
Mınnesota demokrattary sondaı-aq zańmen túsik jasatý quqyǵyn bekitip, transgenderlerdiń quqyqtaryn qorǵaýdy kúsheıtti, marıhýanany zańdastyrý týraly zań jobasyn qabyldady jáne qarý qaýipsizdigi týraly jańa zańdar belgilendi.
