Tas joldaǵy velosporttan Qazaqstan chempıonaty aıaqtaldy: toptyq jarystyń nátıjesi

ASTANA. KAZINFORM – Óskemende tas joldaǵy velosporttan Qazaqstan chempıonaty aıaqtaldy.

QR UOK málimetinshe, jarys baǵdarlamasynyń sońǵy túri toptyq jarys boldy.

Erler arasynda jeńis Jetisý oblysynyń ókili Evgenıı Fedorovqa buıyrdy. Ekinshi bolyp onyń jerlesi Anton Kýzmın keldi. Úzdik úshtikti Soltústik Qazaqstan oblysynyń sportshysy Danııl Marýhın túıindedi.

Áıelder arasynda Qyzylorda oblysynyń sportshysy Elızaveta Sklıarova top jardy. Astanadan kelgen Mılana Kotelnıkova ekinshi orynǵa ıe boldy. Al úshinshi oryn Jetisý oblysynyń sportshysy Evgenııa Zaamǵa buıyrdy.

Aıta keteıik, Evgenıı Fedorov tas joldaǵy velosporttan el birinshiliginde ekinshi ret top jardy.