Tas kóshkinine tap bolǵan týrıst tikushaqpen evakýatsııalandy
ASTANA. KAZINFORM — Almaty oblysy Qarasaı aýdanyndaǵy Karnıznyı shyńy mańynda týrıst 4500 metr bıiktikte taýǵa shyǵý kezinde tas kóshkinine tap bolyp, aıaǵy men betinen jaraqat alǵan. Oqıǵadan keıin onyń ornalasqan jeri belgisiz bolyp, taýly aımaqtan ózdiginen shyǵa almaǵan. Bul týraly TJM málim etti.
— Іzdeý jumystaryna Konaev qalasynyń jedel-qutqarý jasaǵynyń, QR TJM «Barys» respýblıkalyq qutqarý qyzmetiniń qutqarýshylary jáne Almaty qalasy TJD Qutqarý qyzmetiniń kúshteri shuǵyl túrde kiristi. Áriptestermen birlesip izdestirý-qutqarý jumystary uıymdastyrylyp, onyń barysynda zardap shekken adamnyń ornalasqan jeri anyqtaldy, — delingen habarlamada.
Jedel evakýatsııalaý úshin «Qazavıaqutqarý» tikushaǵy tartyldy. Zardap shekken adam Boraldaı áýejaıyna jetkizilip, ol jerde ony Apattar medıtsınasy ortalyǵynyń brıgadasy qarsy aldy. Keıin ol Almaty qalasynyń qalalyq klınıkalyq aýrýhanasyna jatqyzyldy.
Eske sala keteıik, buǵan deıin Almaty taýlarynda adasyp ketken úsh jasóspirim qutqarylǵan bolatyn.
