Tas qarańǵyda turamyz: Óskemen turǵyndary jaryqshamdardyń joqtyǵyna shaǵymdandy
ÓSKEMEN. KAZINFORM – Óskemen qalasyndaǵy Menovnoe kentindegi ıÝbıleınaıa kóshesiniń turǵyndary birqatar máseleni kóterdi. Olardyń aıtýynsha, kóshe joldary qardan tazalanbaıdy jáne jaryqshamdardyń joqtyǵynan bala turmaq eresek adam tasqarańǵyda úıine qorqyp jetedi.
«Qulaq asar eshkim joq!»
- Qala ómirinen tys qalǵandaımyz. Olaı deıtinimiz, biz jaqqa ákimdikten, basqa da quzyrly mekemelerden eshkim kelmeıdi. Al halyqty tolǵandyryp otyrǵan máseleler joq emes. Mysaly, jyl saıyn qys túskende qarymyz kúrelmeıdi. Joldy ashý úshin ózimiz qolǵa kúrek alýǵa májbúrmiz, - deıdi kent turǵyny.
Jergilikti jurtqa kóshedegi jaryqshamdardyń joqtyǵy da qolaısyzdyq týdyryp otyr.
- Tas qarańǵyda bala turmaq eresek adam úıine qorqyp jetedi. Qazir qańǵyp júrgen ıtter de kóbeıip barady. Jelsiz kúnderi tuman túsip, múlde túk kórinbeı ketedi. Sondyqtan bizge jaryq qajet. Jergilikti bılikke aıtpadyq emes, aıttyq. Muńymyzdy jetkizdik. Biraq qulaq asar eshkim joq!, - dep ıÝbıleınaıa kóshesiniń halqy óz narazylyǵyn bildirdi.
Jaýaptylardyń jaýaby qandaı?
Turǵyndardyń sol narazylyǵyn jetkizý úshin jaýapty mekemelerge saýalhat joldadyq. Qala boıynsha tazalyqqa jaýapty «Taza Óskemen» KMK dırektorynyń orynbasary Ardaq Ábdildınov qys mezgilinde Menovnoe kentine «Radrın» JShS qyzmet kórsetetinin málim etti.
- Ol óz mindettemelerine sáıkes joldar men kóshelerdi kútip-ustap, joldyń júris bóligin, jaıaý júrginshiler ótkelderin, aıaldama keshenderin qardan tazalaıdy. Seriktestik oryndalǵan jumystardyń sapasyn baqylaý jáne problemalyq máseleler týyndaǵan jaǵdaıda jedel áreket etý úshin WhatsApp messendjerinde top qurdy. Kún saıyn qosalqy merdigerlik uıymdar shyqqan arnaıy tehnıka men qyzmetkerlerdiń sany týraly aqparat beredi. Sondaı-aq kásiporynnyń jalpy chatyna júrgizilip jatqan jumys týraly foto-beıne esepter jiberiledi, - dedi ol.
ıAǵnı, atalǵan JShS Menovnoe kentindegi barlyq kóshe joldaryn qardan tazartyp otyrýǵa mindetti. Eger onyń jumysyna halyqtyń kóńili tolmasa ákimdikke shaǵymdanýǵa quqyly.
Al jaryq máselesine qatysty Óskemen qalasynyń TÚKSh, jolaýshylar kóligi jáne avtomobıl joldary bóliminen jaýap berdi.
- «Óskemen kóshelerindegi jaryqtandyrý júıelerin jańǵyrtý» jobasyn iske asyrý sheńberinde 16 603 dana jaryq núktesi «ShQO óńirlik memlekettik-jekeshelik áriptestik ortalyǵy» AQ (MJÁ) jalǵa berildi. ıÝbıleınyı kóshesindegi 7 jaryq baǵanyna MJÁ qyzmet kórsetedi. Osy kóshedegi shamdar janbaı turǵan jaǵdaıda turǵyndar dıspetcherlik qyzmetke 8 (705) 717-48-80 telefon nómiri boıynsha habarlasyp nemese WhatsApp arqyly ótinim bere alady, - deıdi bólim basshysynyń orynbasary Rashıd Sherýbaev.
Sondaı-aq «Halyq qatysatyn bıýdjet» baǵdarlamasy arqyly jaryq baǵanalaryn kóbeıtýge múmkindik bar eken.
- Menovnoe kenti ıÝbıleınyı kóshesi boıynsha jańa kóshe jaryǵy shamdaryn ornatý úshin Óskemen qalasy ákimdigi apparatynyń saıtyna kirip, «Halyq qatysatyn bıýdjet» bóliminde ótinim berý qajet. Usynystardy qabyldaý, daýys berý jáne ótinimderdi qaraý merzimderi sol resmı saıtta jarııalanady. 2025 jyly osy baǵdarlama arqyly 30 ýchaskege kóshe jaryǵyn ornatý josparlanǵan, - deıdi Rashıd Sherýbaev.
P/S:
Kommýnaldyq mekeme men ákimdiktiń quzyrly bólimi bergen jaýapqa sáıkes, ıÝbıleınyı kóshesindegi joldar qardan tazalanyp, jaryqshamdary janyp turýy tıis kórinedi. Sondyqtan turǵyndardyń jazbasha ótinim túsirgenderi jón. Máseleniń ary qaraıǵy órbýi bizdiń baqylaýda bolady.
Eske salsaq, buǵan deıin Óskemen men Rıdder arasyndaǵy jańa jol qurylysy nege sozbalańǵa salynyp ketkeni jaıly jazǵan edik.