Tartyl fest týrnıkke tartylý festıvali erteń Óskemende ótedi
ÓSKEMEN. QazAqparat – Respýblıkalyq Tartyl fest týrnıkke tartylý festıvali erteń Óskemen qalasynda ótedi, dep habarlaıdy QazAqparat tilshisi.
QR Prezıdenti janyndaǵy «Dara» daryndylardy qoldaý qory uıymdastyryp otyrǵan sharanyń maqsaty – buqaralyq sportty damytý jáne jastardy salaýatty ómirge baýlý.
Týrnıkke tartylýdan Tartyl Fest respýblıkalyq sport festıvaline qatysýǵa nıet bildirýshiler Amfıteatr alańyna saǵat 9:00-den bastap kele alady. Qatysýshylardy tirkeý saǵat 11:00-ge deıin júrgizilmek. Al, sharanyń ashylý saltanaty saǵat 12:00-ge josparlanǵan.
Qatysýshylar jas erekshelikterine qaraı 3-ke bólinedi. Atap aıtqanda, 18 jasqa deıin (jasóspirimder), 18-den 30 jasqa deıin (jastar) jáne 30 jas pen odan úlkender (eresekter).
Júlde qory: 1 oryn – 200 myń teńge, 2 oryn – 100 myń teńge, 3 oryn – 50 myń teńge. Grand fınaldyń júlde qory: 1 oryn – 3 mln teńge, 2 oryn – 2 mln teńge, 3 oryn – 1 mln teńge. Grand fınal 8 qyrkúıek kúni Nur-Sultan qalasynda ótedi.
Esterińizge sala ketsek, osyǵan deıin Pavlodarda Tartyl Fest jeńimpazdary anyqtalǵany habarlanǵan bolatyn.
