Tartyl fest: Týrnıkke tartylý festıvali búgin Qyzylordada ótedi

Atalǵan shara buqaralyq sportty damytý jáne jastardy salaýatty ómirge baýlý maqsatynda qolǵa alynǵan. Festıval qalalyq mádenı jáne demalys parkinde ótedi. Qatysýshylardy tirkeý 9:00-11:00 aralyǵynda júrgiziledi. 26 shilde, ıaǵnı keshe keshke deıin 500-ge jýyq qyzylordalyq turǵyn festıvalde baq synaýǵa nıet bildirgen.

Jarystyń bastalý ýaqyty - 19:00. Júlde qory - 3 mln teńge.

Festıval qonaqtary - Nurlan Qoıanbaev, Mıras Júginisov.

Sondaı-aq, festıval aıasynda qyzylordalyqtar estrada juldyzy Mıras Júginisovtiń kontsertin tamashalaıdy. Kontserttiń bastalýy - 22:00-ge belgilengen.

Qatysýshylar kategorııasy:

18 jasqa deıin (jasóspirimder):

1) salmaq – 55 kg deıin;

2) salmaq – 55 kg bastap 70 kg deıin;

3) salmaq – 70 kg bastap joǵary qaraı

18 jastan 30 jasqa deıin (jastar):

4) salmaq – 65 kg deıin;

5) salmaq – 65 kg bastap 80 kg deıin;

6) salmaq – 80 kg bastap joǵary qaraı;

30 jastan joǵary qaraı (úlkender):

7) salmaq– 80 kg bastap;

8) salmaq – 80 kg bastap 90 kg deıin;

9) salmaq – 90 kg bastap joǵary qaraı.

Ár qaladaǵy júlde qory:

1 oryn - 200 000 tg;

2 oryn - 100 000 tg;

3 oryn 50 000 tg;

Grand fınaldyń júlde qory:

1 oryn - 3 000 000 tg;

2 oryn 2 000 000 tg;

3 oryn 1 000 000 tg;

Grand fınal Nur-Sultan qalasynda 8 qyrkúıek kúni ótedi.

Eske salsaq, «Tartyl Fest» týrnıkke tartylý boıynsha respýblıkalyq sport festıvali Qonaev qalasynda bastalǵan bolatyn .

Sondaı-aq, buǵan deıin festıval Taldyqorǵan, Almaty, Taraz, Shymkent, Túrkistan qalalarynda jalǵasyn tapty .

Shymkenttik turǵyn Azamat Sapar týrnıkke 41 ret tartylyp, rekordtyq kórsetkishti jańartty.

Aıta ketsek, festıval 10 shilde men 6 qyrkúıek aralyǵynda ótkiziledi, elimizdiń 20 qalasynda uıymdastyrylyp, ár qaladan 27 jeńimpaz anyqtalady. Olar Nur-Sultan qalasynda ótetin grand-fınalǵa qatysady degen jospar bar.

Grand-fınaldyń júlde qory - 54 mln teńge. Al, grand-fınal chempıondary Street Workout boıynsha álem chempıonatyna qatysa alady.