Tartyl Fest: tarazdyq Evgenıı Nam rekord ornatty

ASTANA. QazAqparat – Tartyl Fest respýblıkalyq týrnırinde 30 jastan joǵary 80 kelige deıingi salmaq dárejesinde Evgenıı Nam jeńiske jetti, dep habarlaıdy QazAqparat tilshisi.

Taraz qalasynan kelgen qatysýshy fınalda óziniń irikteýdegi rekordyn jańartyp, týrnıkke 52 ret tartyldy. Bul – ázirge saıystyń eń úzdik kórsetkishi. 33 jastaǵy Evgenıı Nam ótken jyly Qaraǵandy qalasynda ótken irikteý kezeńinde týrnıkke 50 ret tartylyp, jarystyń rekordyn ornatqan bolatyn.

Buǵan deıin habarlaǵanymyzdaı, qazir elordadaǵy Kongress ortalyqta Tartyl Fest respýblıkalyq týrnıriniń grand-fınaly ótip jatyr. Tartysty básekeni «Jibek Joly» telearnasynyń tikeleı efıri men youtube arnasynan kórýge bolady.