Tartyl Fest: Taraz osyǵan deıingi rekordty qaıtalaı ala ma
Іs-shara qalanyń iri saýda ortalyǵynda ótip jatyr. Ártúrli jastaǵy júzdegen jambyldyq kúshi men eptiligin synap kórýge nıet bildirdi.
«Tarazda bul – el boıynsha tórtinshi qalada ótip jatqan respýblıkalyq sport festıvali. Odan ári Shymkent, Túrkistan, Qyzylorda, Qazaqstannyń batysynda bolady. Búgin jańa rekord ornaýy múmkin. Tartylý sany boıynsha aldyńǵy rekordty Almatyda 18 jastaǵy azamat jasady, 40 ret tartyldy», - dep habarlady QazAqparat tilshisine Tartyl Fest ıdeıasynyń avtory, jobanyń ambassadory, qoǵam qaıratkeri, jattyqtyrýshy jáne akter Aıtym Jaqypov.
Spıkerdiń aıtýynsha, bul sport festıvaliniń negizgi maqsaty men mindeti – Qazaqstan Respýblıkasynyń atynan álemdik arenada óner kórsetetin eń myqty jáne talantty atletterdi anyqtaý.
«Prezıdent janyndaǵy «Dara» talanttardy qoldaý qoryna úlken alǵys aıtqym keledi. Bul – sportty damytýǵa, respýblıkamyzdyń jastaryn damytýǵa qosqan erekshe úles. Mundaı is-sharalar múmkindiginshe jıi ótse eken. Tarazdyqtar sharaǵa belsendi qatysyp jatyr. Jarys ótip jatqanyna qaramastan, tirkeý áli aıaqtalǵan joq. Qatysýshylar kelip jatyr, búgin aldyńǵy qalaǵa qaraǵanda qatysýshylar kóp bolýy múmkin. Tartylý sany boıynsha rekordtyq kórsetkish tirkelýi yqtımal», - dep habarlady spıker.
Aıtym Jaqypov Almatyda jalpy alǵanda 10 myńnan astam týrnıkke tartylý kórsetkishi tirkelgenin eske saldy.
Jarysqa qatysýshylar salmaǵy men jasyna qaraı 9 sanat boıynsha jarysady.
20 qaladaǵy festıvalge qatysýshylardyń bárine talap birdeı: durys jáne kóbirek tartylý.
Festıval 10 shilde men 6 qyrkúıek aralyǵynda elimizdiń 20 qalasynda ótedi, qazaqstandyqtar qatysyp, aqshalaı júlde utyp ala alady.
Ár qalada 27 jeńimpaz tańdalady. Ár qalanyń jeńimpazdary (9 sanatta) Nur-Sultanda ótetin grand-fınalǵa qatysady.
Grand-fınaldyń júlde qory – 54 mln teńge.
Grand-fınal chempıondary Street Workout boıynsha álem chempıonatyna qatysa alady.
Street Workout – kóshedegi sport alańdarynda túrli jattyǵýlardy oryndaýdy qamtıtyn áýesqoı sport túri.
Buǵan deıin habarlanǵandaı, 10 shildede Qonaev qalasynda Tartyl Fest respýblıkalyq sport festıvaliniń birinshi kúni qorytyndylandy.
Al 14 shilde kúni Taldyqorǵan qalasyndaǵy týrnırdiń jeńimpazdary anyqtaldy.
