Tartyl Fest festıvali erteń Semeıde ótedi

SEMEI. QazAqparat – Tartyl Fest týrnıkke tartylý festıvali erteń Semeı qalasynda ótedi, dep habarlaıdy QazAqparat tilshisi.

Osyǵan deıin Qazaqstannyń 18 qalasynda ótken Tartyl Fest respýblıkalyq týrnıkke tartylý festıvali Semeıge jetti.

Sharany QR Prezıdenti janyndaǵy «Dara» daryndylardy qoldaý qory uıymdastyryp otyr.

3 qyrkúıek kúni qalanyń «Arena» mádenıe sport kesheninde ótetin festıvalge qatysýǵa nıet tanytqandardy tirkeý saǵat 9.00-de bastalyp, 11.00-ge deıin jalǵasady.

Al ashylý saltanaty – saǵat 14.00-de. Ázirge el boıynsha rekordty Qaraǵandy qalasynda 50 márte tartylǵan Evgenıı Nam ornatqan.

Qatysýshylar jas erekshelikterine qaraı 3-ke bólinedi. Atap aıtqanda, 18 jasqa deıin (jasóspirimder), 18-den 30 jasqa deıin (jastar) jáne 30 jas pen odan úlkender (eresekter).

Júlde qory: 1 oryn – 200 myń teńge, 2 oryn – 100 myń teńge, 3 oryn – 50 myń teńge. Grand fınaldyń júlde qory: 1 oryn – 3 mln teńge, 2 oryn – 2 mln teńge, 3 oryn – 1 mln teńge.

Grand fınal 6 qyrkúıek kúni Nur-Sultan qalasynda ótedi.

Eske salsaq, osyǵan deıin Óskemende týrnıkke tartylý festıvalinde kimderdiń jeńimpaz atanǵanyn habarlaǵan edik.