Tartyl Fest: Búgin týrnıkke tartylýdan jarys Taldyqorǵanda ótedi

TALDYQORǴAN. QazAqparat – Búgin Jetisý oblysynyń ortalyǵy Taldyqorǵan qalasynda kermege tartylýdan Tartyl Fest festıvali ótedi. Respýblıkanyń barlyq óńirin qamtıtyn buqaralyq doda 10-shildede Qonaev qalasynda bastalǵan bolatyn, dep habarlaıdy QazAqparat.

Aıta keteıik, Tartyl Fest respýblıkalyq sport festıvaline QR Prezıdenti janyndaǵy «Dara» talanttardy qoldaý qory men Jetisý oblysy ákimdigi qoldaý bildirgen. Búgingi sporttyq shara qalalyq «Jastar» parkinde ótýde. Jasy men salmaǵyna qaraı qatysýshylar 9 sanatta synǵa túsedi. Jarysty resmı tóreshiler alqasy qadaǵalaıdy.

Festıval 10 shilde men 6 qyrkúıek arasynda elimizdiń 20 qalasynda uıymdastyrylady dep josparlanǵan. Qatysýshylarǵa aqshalaı syılyqtar qarastyrylǵan.

Óńirlerden iriktelgen jeńimpazdar ( 9 sanat boıynsha) Nur-Sultan qalasyndaǵy grand-fınalǵa qatysady. Grand-fınaldyń júlde qory – 54 mln teńge. Al jarys chempıony Street Workout boıynsha álemdik chempıonatqa joldama alady.

Street Workout – áýesqoılar sportynyń bir túri, bul aýladaǵy sport alańynda túrli jattyǵýlarǵa arnalǵan.