Tartyl fest: búgin týrnıkke tartylý festıvali Oralda ótedi

ORAL. QazAqparat – Respýblıkalyq «Tartyl fest» týrnıkke tartylý festıvali búgin Oral qalasynda ótedi, dep habarlaıdy QazAqparat tilshisi.

Shara maqsaty – buqaralyq sportty damytý jáne jastardy salaýatty ómirge baýlý, uıymdastyrýshysy – QR Prezıdenti janyndaǵy «Dara» daryndylardy qoldaý qory.

BQO dene shynyqtyrý jáne sport basqarmasynan málim etkendeı, festıval jergilikti ýaqyt boıynsha saǵat 18:00-de QR Tuńǵysh Prezıdenti alańynda bastalady.

Qatysýshylar saǵat 09:00-12:00 aralyǵynda tirkeledi.

Festıvalǵa 350-den astam adam qatysýǵa nıet bildirgen.

Kesh qonaǵy – estrada ánshisi Aıdana Medenova.

Qatysýshylar jas erekshelikterine qaraı baq synaıdy: 18 jasqa deıin (jasóspirimder):

1) salmaq – 55 kelige deıin;

2) salmaq – 55-70 keli;

3) salmaq – 70 keliden joǵary;

18-den 30 jasqa deıin (jastar):

1) salmaq – 65 kelige deıin;

2) salmaq – 65-80 keli;

3) salmaq – 80 keliden joǵary;

30 jas jáne odan úlkender (eresekter):

1) salmaq – 80 kelige deıin;

2) salmaq – 80-90 keli;

3) salmaq – 90 keliden joǵary.

Ár qaladaǵy júlde qory: 1 oryn – 200 myń teńge; 2 oryn – 100 myń teńge; 3 oryn – 50 myń teńge. Grand fınaldyń júlde qory: 1 oryn – 3 mln teńge; 2 oryn – 2 mln teńge; 3 oryn – 1 mln teńge. Grand fınal elordada 8 qyrkúıek kúni ótedi.

Eske sala keteıik, «Tartyl Fest» týrnıkke tartylý boıynsha respýblıkalyq sport festıvali Qonaev qalasynda bastalǵan bolatyn. Sondaı-aq, buǵan deıin festıval Taldyqorǵan, Almaty, Taraz, Shymkent, Túrkistan, Qyzylorda, Atyraý qalalarynda jalǵasyn tapty.