Tartyl Fest: Aqtóbede 500-ge jýyq úmitker tirkeldi

AQTÓBE. QazAqparat - Búgin Aqtóbede týrnıkke tartylýdan «Tartyl Fest» respýblıkalyq festıvali ótedi. Oǵan qatysýǵa 500-ge jýyq úmitker ótinish bildirdi, dep habarlaıdy QazAqparat tilshisi.

«DARA» daryndylardy qoldaý qory Aqtóbe qalasynyń turǵyndary men qonaqtaryn «Tartyl Fest»-ke shaqyrady. Týrnıkke tartylýdan báseke QR Tuńǵysh Prezıdenti atyndaǵy ortalyq saıabaqta ótedi. Qatysýshylardy tirkeý saǵat 09:00-12:00 aralyǵynda bolady. Al saıystyń negizgi bóligi jergilikti ýaqytpen saǵat 18:00-de bastalady. Saıabaqqa jınalǵandar, sondaı-aq Kalifarnya usynǵan kontsertti tamashalaı alady. Uıymdastyrýshylardyń aıtýynsha, jarysqa 500-ge jýyq adam onlaın ótinish bergen.

Eske salaıyq, «Tartyl Fest» týrnıkte tartylýdan respýblıkalyq sport festıvali Qonaev qalasynda bastalǵan bolatyn. Keıin Túrkistanda, Taldyqorǵan, Almaty, Taraz, Shymkent, Aqtaý, Qyzylorda, Atyraý qalalarynda jalǵasyn tapty.

Ár qaladaǵy júlde qory: 1-oryn – 200 myń teńge; 2-oryn – 100 myń teńge; 3-oryn – 50 myń teńge.

Grand-fınal elordada 8 qyrkúıek kúni ótedi. Onyń júlde qory: 1-oryn – 3 mln teńge; 2-oryn – 2 mln teńge; 3-oryn – 1 mln teńge.