Tartyl Fest: «Aqtaýda rekord jańarýy ábden múmkin»

AQTAÝ. QazAqparat - 3 tamyz kúni Aqtaýda týrnıkke tartylýdan «Tartyl fest» respýblıkalyq festıvali ótedi. Sharany QR Prezıdenti janyndaǵy «Dara» daryndylardy qoldaý qory uıymdastyryp otyr,dep habarlaıdy QazAqparat tilshisi.

Festıval buqaralyq sportty damytý jáne jastardy salaýatty ómirge baýlý maqsatynda uıymdastyrylyp jatyr. Aqtaýda jarys 15-shaǵynaýdandaǵy Amfıteatr alańynda ótedi. 3 tamyz saǵat 9:00-11:00 aralyǵynda qatysýshylardy tirkeý júrgiziledi. Bastalýy – saǵat 19:00-de.

Búginge deıin festıvalǵa qatysýǵa 468 adam ótinim bergen.

«Onlaın jáne offlaın túrde 500-ge jýyq qatysýshy bolady dep josparlap otyrmyz. Aqtaýda sportqa jaqyn adam óte kóp. Sondyqtan bul qalada rekord jańarýy ábden múmkin»,- deıdi «Tartyl Fest» jobasy uıymdastyrýshylarynyń biri Dıas Tólepbergen.

Jarys sońynda mańǵystaýlyqtar estrada juldyzy Nurjan Kermenbaev pen jergilikti ónerpazdardyń kontsertin tamashalaıdy.

Aıta keteıik, týrnıkke tartylýdan «Tartyl Fest» respýblıkalyq sport festıvali Qonaev qalasynda bastalyp, Taldyqorǵan, Almaty, Taraz, Shymkent, Túrkistan, Qyzylorda, Atyraý qalalarynda jalǵasqan edi.

Sport festıvali elimizdegi iri 20 qalada ótikizilip, 6 qyrkúıekte aıaqtalady. Ár qaladan 27 jeńimpaz anyqtalyp, Nur-Sultan qalasynda ótetin grand-fınalǵa qatysady. Grand-fınaldyń júlde qory – 54 mln teńge. Al grand-fınal chempıondary Street Workout boıynsha álem chempıonatyna qatysýǵa múmkindik alady.