Tártip saqshylary synǵa tústi: Óskemende hokkeıden respýblıkalyq týrnır ótti
ASTANA. KAZINFORM — Óskemen qalasynda shaıbaly hokkeıden QR Іshki ister mınıstriniń kýbogy máresine jetti.
Respýblıkalyq týnırde Shyǵys Qazaqstan oblysynyń tártip saqshylary aıqyn basymdylyqpen alǵa shyqty.
Tórt kúnge sozylǵan muz aıdynyndaǵy tartysty básekede elimizdiń eń myqty aımaqtyq quramalary baq synady. Shyǵys Qazaqstan oblysy polıtsııa departamentiniń «Tıtan» komandasy ózderiniń myzǵymas kóshbasshylyǵyn taǵy da pash etti.
Týrnır qorytyndysy boıynsha júldeli І oryndy ShQO Polıtsııa departamentiniń komandasy jeńip alyp, úsh dúrkin chempıon atandy. Al ІІ oryn minberinen SQO Polıtsııa departamentiniń komandasy kórindi. Úzdik úshtikti Qaraǵandy oblysynyń Polıtsııa departamentiniń komandasy qorytyndylady.
Sondaı-aq jarysta jekelegen nomınatsııa ıegerleri de marapattaldy.
Eske sala keteıik, Almatyda ІІM-niń jańa akademııasynyń qurylysy bastaldy.
