Tártip buzsańyz qansha aıyppul arqalaısyz

ASTANA. KAZINFORM – Búginnen bastap elimizde aılyq eseptik kórsetkish 3 932 teńge bolyp bekitildi. Ótken jyly 3 692 teńge bolǵan edi.

Al qoǵamdyq oryndarda tártip buzǵan azamattarǵa salynatyn aıyppuldyń mólsheri dál osy AEK-ke baılanysty. Demek, tártip buzyp, aıyppul arqalasańyz bul otbasylyq bıýdjetińizge aıtarlyqtaı salmaq salatyny sózsiz. Sondyqtan da tártip buzyp, aıyppul arqalamas úshin oqyrman nazaryna qandaı jaǵdaıda qansha qarjydan qaǵylatynyn usynamyz:

— Rámizderdi qorlaý — 11 796 000 teńge;

— podezge kireberiste ne páterdiń esiginiń aldyna qoqys salynǵan dorbany qaldyrý — 78 640 teńge;

— keshki saǵat 22-00-den keıin shýlap, eldiń tynyshtyǵyn alý — 19 660 teńge;

— qoǵamdyq orynda túkirý — 19 660 teńge;

— kólikte otyryp telefon paıdalaný ne qaýipsizdik belbeýin taqpaý — 19 660 teńge;

— qujatsyz kólik júrgizý — 78 640 teńge;

— avtobýsta jolaqy tólemeý — 7 864 teńge;

— kámeletke tolmaǵan jasóspirimniń túngi 22-00-den keıin oıyn-saýyq mekemelerinde júrýi — 11 796 teńge;

— joldy belgilenbegen jerden qıyp ótý — 7 864 teńge;

— kólik jyldamdyǵyn asyrý — 19 660 teńgeden 117 960 teńgege deıin;

— qoǵamdyq orynda balaǵat sóz aıtý — 78 640 teńge;

— muǵalimdi ne dárigerdi balaǵattaý — 39 320 teńge.

— qoǵamdyq orynda ishimdik ishý ne masań kúıde júrý — 19 660 teńge;

— kámeletke tolmaǵandarǵa temeki ónimderin satý — 58 980 teńgeden 393 200 teńgege deıin;

— Jala jabý — 629 120 teńge;

— Jeke derekterdi zańsyz jınaý jáne óńdeý — 39 320 teńgeden 275 240 teńge;

— Qasaqana jalǵan jarnama jasaý — 393 200 teńgeden 3 932 000 teńgege deıin;

— blogerlikpen jalǵan aqparat taratý — 117 960 teńgeden 393 200 teńgege deıin;

— Tólqujatty nemese jeke kýálikti kepilzat retinde alý — 19 660 teńge;

— Qoǵamdyq orynda jabysý (saýda jasaý, qaıyr tileý, bal ashý, jezókshelik) — 19 660 teńge.

Aıta ketelik,