Tártiptik jazasy bar memlekettik qyzmetkerlerge bonýstar tólenbeıdi
ASTANA. QazAqparat - Endi tártiptik jazalardyń bolýy memlekettik qyzmetkerlerdiń eńbegin tóleý deńgeıine áser etedi. Bul týraly QR Memlekettik qyzmet isteri vıtse-mınıstr Aıgúl Shaıymova málim etti.
«Biz bazalyq jalaqy, sondaı-aq bonýstyq bólik sekildi eńbekaqy tóleý júıesine aýysýdamyz. Bonýstyq bólik tártiptik jazanyń bolýyna tikeleı baılanysty bolady. Eger de memlekettik qyzmetker jaýapkershilikke tartylsa, oǵan bonýstar tólenbeıdi»,-dedi ol búgin Ortalyq kommýnıkatsııalar qyzmetindegi baspasóz máslıhatynda.
A. Shaıymovanyń sózine qaraǵanda, bonýstar joǵary tıimdilikti kórsetken qyzmetkerlerge tólenedi, ıaǵnı olar ózderiniń tártibimen osyndaı yntalandyrýǵa laıyq bolady.
«Bonýstyq bólik tıisti qorda saqtalady jáne ol memlekettik organdardyń qarjyny únemdeý esebinen qalyptasady»,-dedi vıtse-mınıstr.
