Tártipti qamtamasyz etý úshin Mysyr Sharm-el-Sheıh shıpajaıyna Izraıldiń kelisimimen áskerler engizdi
ASTANA. 1 aqpan. QazAqparat - Mysyr myńdaǵan týrıster dem alyp jatqan Sınaı túbegindegi ataqty Sharm-el-Sheıh teńiz shıpajaıyna tártipti qamtamasyz etý úshin 2 áskerı batalon engizdi. Bul týraly brıtandyq BAQ Izraıl bıliginiń ókilderine silteme jasaı otyryp habarlady.
Kaır Izraılmen eki eldiń arasynda shekara ótetin túbekke áskerler engizý týraly máseleni talqylaǵan bolatyn. Shıpajaılyq aýmaqqa engizilgen mysyrlyq áskerlerdiń sany 800 sarbaz ben ofıtserdi quraıdy, - dep habaralaıdy ITAR-TASS.
1979 jylǵy eki eldiń arasynda ornatylǵan beıbit kelisimde Mysyr tarapyna túbekte ásker sanyna qatań shekteýler qoıylǵan, soǵan qaramastan, Izraıl Sınaıda Mysyr áskerlerin engizýge ruqsat berdi. Osylaısha, Mysyrdyń iri áskerı qurylymdarynyń Sınaıǵa aparylýy 1979 jyldan beri alǵash ret bol tur, - dep habarlaıdy brıtandyq túsindirýshiler .
Brıtanııa Syrtqy ister mınıstrligi el azamattaryna Kaır, Aleksandrııa, Sýets, Lýksor sııaqty Mysyrdyń iri qalalaryna barýdan bas tartýǵa keńes beredi. Alaıda, vedomstvo eskertýinde Sharm-el-Sheıh shıpajaıy atalmaǵan. Brıtan SІM derekterine saı, Qyzyl teńizdiń jaǵasynda ornalasqan shıpajaılarda jaǵdaı turaqty.
