Tártipsizdikterde qaza bolǵandardyń otbasyna kómek kórsetý bizdiń qasıetti boryshymyz – Prezıdent

NUR-SULTAN. QazAqparat – Tártipsizdikterde qaza bolǵandardyń otbasyna kómek kórsetý bizdiń qasıetti boryshymyz, dep habarlaıdy QazAqparat tilshisi.

«Qaza bolǵan tártip saqshylarynyń, áskerı qyzmetshiler men qarapaıym azamattardyń otbasyna kómek kórsetý bizdiń qasıetti boryshymyz. Bul másele meniń jiti baqylaýymda bolady. Turǵyn úımen, oqýmen jáne basqa da qajetti nársemen qamtamasyz etemiz», - dedi Májilis otyrysyna beınebaılanys arqyly qatysqan Qazaqstan Prezıdenti.

Aıta keteıik, búgingi Memleket basshysy Qasym-Jomart Toqaev QR Premer-Mınıstri laýazymyna taǵaıyndaýǵa kelisim berý úshin Álıhan Ashanuly Smaıylovtyń kandıdatýrasyn depýtattardyń qaraýyna usynǵan bolatyn. Talqylaý barysynda Májilis depýtattary Prezıdenttiń usynysyn biraýyzdan qoldap, Álıhan Smaıylovtyń Úkimet basshysy bolyp taǵaıyndalýyna kelisim berdi.