Tártipsizdik kezinde qaıtys bolǵan áskerıler men saqshylardyń balalaryna JOO granty bólinedi

NUR-SULTAN. QazAqparat – Eldegi tártipsizdikter kezinde qaıtys bolǵan áskerıler men saqshylardyń balasyna JOO granty bólinedi. Bilim jáne ǵylym mınıstri Ashat Aımaǵambetovtiń aıtýynsha, mundaı bastama Prezıdent tapsyrmasynyń aıasynda kóterilip otyr, dep habarlaıdy QazAqparat tilshisi.

«Halyq tyǵyz ornalasqan óńirlerdiń jáne bilim berý salasynda úlken alshaqtyq bar óńirlerdiń túlekteri úshin tehnıkalyq baǵyttar boıynsha nysanaly grant bólý josparlanýda. Granttar Qazaqstannyń jetekshi joǵary oqý oryndarynda oqý úshin bólinedi. Sondaı-aq, oqýyn bitirgennen keıin negizgi turatyn jeri boıynsha jumys óteý kózdeledi. Prezıdenttiń tehnıkalyq mamandyqtarǵa basymdyq berý týraly tapsyrmasynyń sheńberinde osy baǵytqa bólinetin granttar sany bıyl 60 paıyzǵa deıin kóbeıtiledi», - dedi mınıstr.

Vedomstvo basshysy eldegi tártipsizdikter kezinde qyzmettik boryshyn óteý jolynda qaıtys bolǵan áskerıler men saqshylardyń otbasyna qoldaý kórsetý boıynsha mańyzdy usynys engizilgenin atady.

«Qoǵamdyq tártipti saqtaý jqnindegi mindetterin óteý kezinde qazaq tapqan áskerı qyzmetshilerdiń, quqyq qorǵaý jáne arnaýly memlekettik organdar qyzmetkerleriniń balalaryna ýnıversıtetterde oqý úshin bilim granttaryn berý usynylady. Bul da Memleket basshysy bergen tapsyrmanyń sheńberinde», - dedi Ashat Aımaǵambetov.