Tártipsizdik kezinde qansha polıtseı men áskerılerdiń aýyr jaraqat alǵany aıtyldy

NUR-SULTAN. QazAqparat – QR ІІM Tergeý departamentiniń bastyǵy Sanjar Ádilov qańtardaǵy tártipsizdik kezinde qansha polıtseı aýyr jaraqat alǵanyn aıtty, dep habarlaıdy QazAqparat tilshisi.

«Buryn habarlanǵandaı, shabýyldaýshylar tarapynan qylmystyq áreketterdiń jolyn kesý, ákimshilikter men polıtsııa ǵımarattaryna shabýyldardy toıtarý barysynda 3 myńnan astam quqyq qorǵaý organy qyzmetkeri men áskerıler túrli dene jaraqattaryn aldy. Olardyń 107-si aýyr jaraqat aldy. Onyń ishinde bas súıeginiń synýy, pyshaq jaraqattary, kúıikke shaldyǵý jáne ózge aýyr zardaptarmen emdelip jatyr», - dedi S. Ádilov.

Onyń aıtýynsha, bıyǵy 5 qańtarda Atyraýda tártipsizdikter kezinde oblystyq ákimshilik ǵımaratyna shabýyl barysynda qoǵamdyq tártipti kúzetýge tartylǵan qarýsyz polıtsııa qyzmetkerin qatygezdikpen uryp-soqqan jergilikti turǵyn ustaldy.

«Vıdeodan kóringendeı, ashýly tobyr polıtsııa qyzmetkerin qorshap alyp, soqqyǵa jyqqan. Osynyń saldarynan ol qulaǵan kezde, kúdikti adam onyń basyna soqqylar jasaǵan. Kúdikti sot sanktsııasymen kúzetpen ustaýǵa alyndy», - dedi S. Ádilov.