«Tártip» shuǵyl aldyn alý is-sharasy ótken eki kúnniń ishinde 2,5 myń quqyq buzýshylyq anyqtaldy
ASTANA. Tamyzdyń 26-sy. QazAqparat /Arman Asqarov/ - «Tártip» shuǵyl aldyn alý is-sharasy bastalǵan eki kúnniń ishinde elordada 2,5 myńǵa jýyq ákimshilik quqyq buzýshylyqtar anyqtalyp, aınalymnan 2 dana zańsyz qarý-jaraq alyndy. Bul týraly búgin ótken baspasóz máslıhatynda Qoǵamdyq qaýipsizdik basqarmasynyń bastyǵy Batyrlan Esenbaı málim etti,
dep habarlaıdy QazAqaparat.
Onyń sózine qaraǵanda, 144 tártip buzý oqıǵasy sheteldik azamattardyń elimizde zańsyz júrýlerine baılanysty bolǵan. «Osynyń nátıjesinde 17 adam Qazaqstannan shyǵarylsa, 165 qańǵybas ustaldy. 888 adam tirkeýge alyndy», - deıdi B.Esenbaı.
