«Tártip saqtaý» sharasynyń alǵashqy kúninde Almatyda 22 kelimsek ustaldy
ALMATY. Tamyzdyń 5-i. QazAqparat /Erbol Azanbek/ - Búgin Almatynyń Medeý aýdanyndaǵy saıajaılardy tekserý barysynda Ózbekstan men Qyrǵyzstannan 22 zańsyz kelýshi anyqtaldy.
«Bulardyń 16-sy Ózbekstannyń Horezm qalasynan, 6-ýy Qyrǵyzstannan kelgender. Bular el aýmaǵyna kelý jáne eńbek zańdylyqtaryn buzǵan. Qyrǵyzstandyq azamattardyń múldem qujattary joq. Olardyń aıtýynsha, qujattaryn ýaqytsha qurylys prorabyna bergen. Zańsyz kelgen sheteldikterdiń aıtýynsha, olardyń munda kelgenderine 1 aı bolmaǵan. Qazirgi kezde olardy elderine qaıtarý sharalary jasalýda», deıdi Medeý aýdandyq kóshi-qon polıtsııasy bóliminiń bastyǵy Almas Jámshıtov. Onyń aıtýynsha, kelimsekterdi zańsyz jumysqa tartýshylar da jazalanady. Al elden shyǵarylǵandardyń tólqujattaryna Qazaqstan aýmaǵyna endi 3 jylǵa deıin kelýge tyıym salynǵan mór basylmaq.
