Tártip saqshylarynyń rýhanı serigine aınalǵan «Saqshy» jáne «Na straje» basylymdary 80 jyldyq mereıtoıyn atap ótýde

«Qoǵamnyń kez kelgen qubylysyna ún qosyp, salıqaly pikir aıta biletin baslym jýrnalısteri gazettiń el aldyndaǵy bedelin bıikke kótere bildi. «Saqshy», «Na straje» gazetterinde jarııalanatyn qoǵam tynyshtyǵyn saqtaý jolynda jan aıamaı eńbek etip júrgen polıtsııa qyzmetkerleriniń ónegeli eńbegi jáne el tynyshtyǵy úshin janyn qıǵan saqshylardyń erlik isteri jaıly maqalalar Qazaqstan polıtsııasynyń oń ımıdjin qalyptastyrýǵa yqpal etti», - delingen QR Іshki ister mınıstri, general-leıtenant Qalmuhanbet Qasymovtyń basylymdardyń mereıtoıyna oraı quttyqtaýynda.

Mereıtoıylyq shara aıasynda búgin Astanadaǵy «Dýman» qonaqúıiniń konferents-zalynda «Saqshy» - «Na straje»: keshe, búgin, erteń» degen taqyrypta halyqaralyq konferentsııa ótti.

Basqosýdy QR ІІM Memlekettik til jáne aqparat departamentiniń dırektory Nurdilda Oraz júrgizip otyrdy.

Oǵan QR ІІM jaýapty qyzmetkerleri, ishki ister organdarynyń aımaqtyq basqalarmalary baspasóz qyzmetiniń ókilderi, baspasóz ardagerleri, BAQ jýrnalısteri qatysty. Konferentsııany QR Іshki ister mınıstriniń orynbasary, general-maıor Amantaı Kúreńbekov quttyqtaý sózben ashty.

Jıynda QR Іshki ister organdary men ishki áskerler ardagerleri keńesiniń tóraǵasy Ómirzaq Bolsambekov, «Na straje» gazetiniń 1981-1993 jyldardaǵy bas redaktory, ardager-jýrnalıst Anatolıı Cherepanov, basylymdardyń 1998-2008 jyldardaǵy bas redaktory Ábdijamal Saparqulov, osy basylymda qatardaǵy tilshiden bas redaktorǵa deıin eńbek jolynan ótken, QR Prezıdenti Ákimshiligi ishki saıasat bóliminiń sektor meńgerýshsi Larısa Brovataıa, L.N.Gýmılev atyndaǵy Eýrazııa ulttyq ýnıversıtetiniń jýrnalıstıka jáne saıasattaný fakýltetiniń dekany Qaırat Saq, «QR ishki ister organdary Medıa ortalyǵy» JShS bas dırektory Almas Sadýbaev, Atyraý oblysy ІІD memlekettik til jáne aqparat basqarmasynyń bastyǵy Gúlnázıra Muhtarova sóz sóıledi.

Konferentsııaǵa qatysqan Ázerbaıjan Respýblıkasy ІІM baspasóz qyzmeti bastyǵynyń orynbasary, polıtsııa polkovnıgi Eshan Zahıdov, Belarýs Respýblıkasy ІІM «Na straje» gazetiniń bas redaktory Sergeı Hrıpach áriptesterine jyly júzdi quttyqtaýlaryn jetkizdi. Budan keıin konferentsııaǵa qatysýshylar búgingi tańdaǵy baspasózdiń róline qatysty ózara pikir almasty.

Konferentsııada osy mereıtoıǵa oraı shyǵarylǵan belgili jýrnalıst Álimjan Jarylqaǵanovtyń «Saqshy-«Na straje» - 80 beles» kitabynyń tanystyrylymy boldy.

Búginde ishki ister organdarynyń beldi basylymyna aınalyp otyrǵan «Saqshy», «Na straje» gazetteriniń tuńǵysh sany sonaý 1933 jyly jaryq kórgen bolatyn. Ótken ǵasyrdyń otyzynshy jyldaryndaǵy elimiz ómirindegi aýyr kezeńderde memlekettiń ishki tártibin saqtaýda mılıtsııa qyzmetkerleriniń eńbegi eren boldy. Olardyń jankeshti eńbegin halyqqa jetkizip otyratyn gazet alǵashynda «SAQCЬ» - «Straj» degen atpen shyqty jáne ár jyldarda ártúrli atpen jaryq kórdi. «Na straje», «Qazaqstan mılıtsııasy» sııaqty ataýlarmen shyqqan gazet 1970 jyldary jabylyp qaldy. Sodan gazet araǵa on jyl salyp, ıaǵnı 1982 jyly qaıta shyqty. Sol kezdegi gazet redaktory A.Z. Cherepanovtyń tusynda gazet Lenıngrad, Máskeý, Kıevtegi áriptesterimen tájirıbe almasyp, qoldan qolǵa tımeı oqylatyn gazetke aınalǵan eken. Al, keńestik júıe kezinde bul gazettiń qazaqshasyn shyǵarý ońaıǵa túsken joq. Qazirgi «Saqshynyń» negizin qalaýǵa aıamaı ter tókken azamat - ishki ister salasynda uzaq jyldar qyzmet atqaryp polkovnık shenine deıin jetken marqum Bazarbaı Isaev.

On jyl ýaqyt boıy tek qana orys tilinde shyǵyp kele jatqan «Na straje» gazetiniń bir betin qazaqsha shyǵarýǵa mınıstrlik alqasy 1990 jyldyń sáýir aıynda sheshim qabyldaıdy. Sóıtip 1990 jyldyń qyrkúıek aıynan bastap gazettiń bir beti qazaqsha «Saqshy» bolyp shyǵa bastady. 1992 jyldyń sáýirinen bastap gazettiń tórt beti oryssha, tórt beti qazaqsha shyqty. 1999 jyldyń 1 sáýirinen bastap «Saqshy» óz aldyna derbes basylym bolyp jaryq kórip keledi.

«Saqshy», «Na straje» gazetteriniń basshylary men tilshi degen shtat birligi kezinde attestattalǵan laýazym boldy. Sonyń arqasynda talaı jýrnalıster ofıtser atanyp, qazir olardyń aldy otstavkada. Atalǵan basylymdardyń tarıhyna toqtalǵanda redaktsııanyń qurylymynda bolǵan ózgeristerdi de ataǵan jón. Mysaly, Keńes Odaǵy kezinde redaktsııa Іshki ister mınıstrliginiń bir qurylymdyq bólinisi bolsa, 1993 jyldan bastap 1999 jyldar aralyǵynda redaktsııanyń uıymdyq-quqyqtyq nysany «Saqshy - Na straje» aptalyq respýblıkalyq gazetteriniń uıymdasqan redaktsııasy» mekemesi túrinde boldy, keıinnen «Saqshy - Na straje» Respýblıkalyq memlekettik kásiporny bolyp ózgertilse, 2005 jylǵy 6 maýsymnan «Saqshy - Na straje» JShS bolyp qaıta quryldy. Al, 2010 jylǵy 1 sáýirden beri «Qazaqstan Respýblıkasy ishki ister organdarynyń Medıa-ortalyǵy» JShS bolyp ózgertildi.

Іshki ister organdarynyń qyzmetin jarııalaýda baı tájirıbesi bar Medıa-ortalyq búgingi tańda «Saqshy», «Na straje» gazetterinen basqa, «Polıtsııa.kz», «Ardager» jáne «Esirtkisiz bolashaq» atty jýrnaldardyń basyn qosqan aqparattyq-nasıhattyq ortalyqqa aınalǵan. Qazir «Saqshy» aptasyna eki ret 8 jáne 16 bet bolyp shyqsa, «Na straje» gazeti de dál osyndaı kólemde jaryq kóredi.

Mereıtoılyq shara búgin «Shabyt» kontsert zalynda ujym jýrnalısteri men tilshilerin jáne avtorlaryn marapattaý rásimine jáne merekelik kontsertke jalǵaspaq.