Tártip saqshylaryn baltamen jaraqattaǵan er adamdy atyp óltirdi
ASTANA. QazAqparat - Nıý-Iorktegi Kýıns aýdanynyń polıtseıleri beısenbide ózderine baltamen shabýyldaǵan er adamǵa oq atty. Bul týraly megapolıstiń polıtseı basqarmasynyń basshysy Ýılıam Bretton habarlady.
Onyń aıtýynsha, oqıǵa jergilikti ýaqytpen 14:00 shamasynda Kýıns kósheleriniń birinde tórt tártip saqshylary fotograftyń ótinishi oıynsha sýretke túseıin dep turǵan sátte oryn alǵan.
Kútpegen jerden olarǵa qolynda baltasy bar er adam tap bergen. Saqtyq sharasy retinde qarsy oq atqansha, álgi eki polıtseıdi jaralap úlgeredi. Qaskúnem kóz jumdy, al bir polıtseı qolynan, ekinshisi basynan aýyr jaraqattandy. Qazir ol ál ústinde jatyr.
Budan basqa oqıǵa ornynda kezdeısoq oq tıgen 29 jastaǵy áıelge ota jasaldy, qazir qalalyq aýrýhanalardyń birinde emdelýde.
Shabýyl jasaýshynyń kim ekeni, nelikten mundaı qadamǵa barǵandyǵy anyqtalýda.
