Tártip saqshylary QR Prezıdentiniń halyqqa Joldaýyn talqylady
QOSTANAI. 27 aqpan. QazAqparat - Prezıdent Joldaýyn túsindirý boıynsha aqparattyq-nasıhattyq toptyń músheleri Qostanaı oblysynyń polıtseıleri aldynda sóz sóıledi.
Top músheleri - Qostanaı oblysy boıynsha tekserý komıssııasynyń tóraıymy Gúlnár Ábenova men Qostanaı memlekettik ýnıversıtetiniń rektory Qýat Baımyrzaev Prezıdent Joldaýynyń strategııalyq mańyzy bar qujat bolyp tabylatynyn atap ótti. Búginde ol Qazaqstannyń áleýmettik-ekonomıkalyq jańǵyrtylýynyń naqty áreketter jospary bolyp tabylady.
«Úlken mindetter tur, olardy iske asyrý úshin qomaqty bıýdjettik qarjy bólinip jatyr. Sondyqtan bıýdjettik qarjyny alýshylardyń jaýapkershiligi kúsheıtilgen, bıýdjettik tártip ósirilip, bul qarjyny jumsaý boıynsha baqylaý qataıtylǵan», - dep atap ótti G.Ábenova.
QMÝ-niń rektory Q.Baımyrzaev árbir qazaqstandyqtyń aldynda ashylyp jatqan bilim berýdiń bolashaǵy týraly aıtty. «Bilimdi, bilikti kadrlardy daıarlaý bizdiń bolashaǵymyzben tikeleı baılanysty», - dep atap ótti professor.
Jergilikti atqarýshy bıliktiń sózderin tyńdaǵan polıtseıler Prezıdent Joldaýynyń túrli aspektilerimen tereń tanysý ótkizilip jatqan reformalardyń kólemdiligin túsinip, onyń iske asyrylý mehanızmderin elestetýge múmkindik beredi degen pikirde.
