Tártip saqshylary kámeletke tolmaǵan eki jasóspirimdi zorlap óltirdi degen kúdikpen Ózbekstannyń áıel azamatyn izdestirýde

 Bul oqıǵa jóninde búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanysh Jumanov baıan etti, dep habarlaıdy QazAqparat.

 Onyń sózine qaraǵanda, jantúrshigerlik oqıǵa qarashanyń 4-i kúni Almaty qalasy Jetisý aýdanyndaǵy úılerdiń birinde oryn alǵan. Atalmysh úıden kámeletke tolmaǵan eki jasóspirimniń máıiti men pyshaqtalyp, ólimshi etip jaralanǵan 8 jasar qyz ben áıel azamat tabylǵan. «Polıtsııa qyzmetkerleri atalmysh qylmysqa ózbekstandyq  18 jasar  Barnoı Abýllaevany kúdikti dep tanyp otyr. Onyń boıy 150-155 santımetr. Shashy qysqa jáne qara tústi. Tolyq deneli, oń qoly bıntpen oralǵan. Іshki ister mınıstrligi atalmysh azamat  jónindegi málimetterdi aqparat quraldarynda jarııalaýdy suraıdy», dedi mınıstrlik ókili.