Tártip saqshylary demalyp jatqan Marokko korolinen kúdiktenip, qujattaryn teksergen
ASTANA. QazAqparat - Ispanııadaǵy Azamattyq gvardııa qyzmetkerleri Marokko koroli VI Muhammedti qylmysker retinde ustap, onyń jazǵy demalysynyń shyrqyn buzdy, dep habarlady El Mundo basylymy.
Monarh ıspandyq Seýt jartylaı anklavy jaǵalaýynda nókerlerimen demalyp jatqan. Gvardııa sarbazdary eki motorly qaıyq pen úsh gıdrotsıkl mingen demalýshylardy toqtatyp, kim ekendikterin suraıdy. «Meniń kim ekenimdi bilmeısińder me?» - dep aqyrypty Marokko monarhy. Olardyń qujattaryn teksergenge ashýlanǵan korol birden Ispanııa patshasyna qońyraý shalǵan.
Kóp uzamaı gvardııashylar korolden keshirim surady. Monarh ta olarǵa qyzmetin myqty atqarǵany úshin maqtaý aıtqan.
Sońǵy jyldary bul kólik túrin óńirde esirtki tsaymaldaýshylar men adam saýdasymen aınalysatyndar ǵana paıdalanady. Jergilikti sarbazdar koroldi tanymaı qalǵan, sebebi ol kózine qara kózildirik kıip alǵan.
