Tártip saqshylary bir aptada 93 keli esirtki tárkiledi
ASTANA. QazAqparat - Bıylǵy 10 sáýirde bastalǵan «Quqyqtyq tártip» jedel aldyn alý sharasy esirtkige elitkenderge ońaı tımegen syńaıly. Sanaýly kúnde polıtsııa qyzmetkerleri esirtki zattaryn zańsyz saqtaǵan 48 adamdy anyqtaldy. Olardan 93 keli esirtki zaty tárkilendi. Bul týraly búgin QR ІІM Memlekettik til jáne aqparat departamentiniń dırektory Almas Sadýbaev málim etti.
Onyń derekteri boıynsha, esirtki zattarynyń quramynda eń qýatty sanalatyn geroın de, marıhýana da bar.
«Bireýler esirtkini avtokóliginiń júk salǵyshyna tyǵyp, alystaǵy eld imekenderge de jetkize bastapty. Máselen, 10 sáýir kúni arnaıy reıdke shyqqan tártip saqshylary Taldyqorǵan qalasy mańyndaǵy úlken jolda avtokóliktiń júk salǵyshynan salmaǵy 1 keli 596 gr. bolatyn marıhýanany taýyp aldy. Qazir 22 jastaǵy kólik ıesi ýaqytsha ustaý ornyna qamaldy. Tergeý jalǵasýda»,-dedi departament dırektory.
