Tártip saqshylary Astanada turǵyndardyń biriniń noýtbýgin tartyp alǵan eki azamattyń izin sýytpaı ustady
ASTANA. 14 naýryz. QazAqparat - Astanada belgisiz bireýler ashyqtan-ashyq beıbit turǵynnyń noýtbýgyn tartyp aldy. Bul týraly Astana qalalyq Іshki ister departamentinen habarlandy.
«Saryarqa» aýdandyq Іshki ister bólimine 1988 jyly týylǵan Astana qalasynyń turǵynynan keshkisin belgisiz eki azamat qorqytyp-úrkitip, quny 180 myń teńge turatyn noýtbýgyn alyp ketkendigi jóninde shaǵym túsken. Osy oqıǵaǵa baılanysty jedel túrde shara qoldanǵan avtosholǵynshy polıtsııa jasaqtarynyń ókilderi eki azamatty da izin sýytpaı ustady. Olar 22 jáne 25 jastaǵy Jambyl jáne Shyǵys Qazaqstan oblystarynyń turǵyndary bolyp shyqty. Qazirgi tańda atalǵan oqıǵa boıynsha qylmystyq is qozǵalyp, ustalǵandar qamaýǵa alyndy. Kúdiktilerdiń respýblıkanyń ózge de aımaqtaǵy qylmystarǵa qatystylyǵy tekserilýde.
