Tártip saqshylary arnaıy operatsııa barysynda izdeýde júrgen 439 azamatty ustady
ASTANA. Naýryzdyń 31-i. QazAqparat /Aıdar Ospanalıev/ - Tártip saqshylary «Іzdeý» operatsııasynyń barysynda qylmys jasaǵany úshin izdeýde júrgen 439 azamatty qolǵa túsirdi.
Olardyń 70-ine ótken jyly izdeý salynǵan. Al 7-ýi 10 jyldan beri, 5-ýi 19 jyldan beri quqyq qorǵaý organdarynan boı tasalap júrgen. Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń málimetterine qaraǵanda, ustalǵandardyń 8-ine kisi óltirgeni, 12-sine adam densaýlyǵyna aýyr zaqym keltirgeni úshin, 11-ine qaraqshylyq, 28-ine tonaý áreketteri úshin izdeý salynǵan. «Іzdeý» operatsııasy naýryzdyń 23-i men 28-i aralyǵynda júrdi. «Naqty málimetterge súıenetin bolsaq, naýryzdyń 24-i kúni Aqmola oblysynyń polıtseıleri Kókshetaýda turaqty mekeni joq Kókshetaý qalasynyń 26 jasar turǵynyn ustaǵan. Ol 2007 jyly mas kúıinde osy qalanyń turǵynyn óltirgeni úshin izdeýde júrgen. Al Atyraý oblysynyń tártip saqshylary izdeýde júrgen Atyraý qalasynyń
33 jasar azamatyn ustady. Ol 2010 jyly dúkenniń satýshysyn qorqytyp, uıaly telefonǵa arnalǵan aktıv kartalaryn tartyp alyp, satýshynyń denesine pyshaq jaraqatyn salǵan. Sondaı-aq Astanada qala turǵynyna pyshaq kezenip, qaraqshylyq shabýyl jasaǵany úshin jáne aqsha bopsalaǵany úshin 9 jyldan beri izdeýde júrgen 32 jasar azamat ustaldy.
