Tártip saqshylary aqtóbelikterdi kóktaıǵaq kezinde saq bolýǵa shaqyrdy
AQTÓBE. QazAqparat - Aldaǵy kúnderi Aqtóbede kóktaıǵaq bolady, dep habarlaıdy QazAqparat tilshisi.
Sınoptıkterdiń habarlaýynsha, Aqtóbe oblysynda jaýyn-shashyn bolyp, arty kóktaıǵaqqa ulasady.
«Aqtóbe oblysynda 19 naýryzda tuman, kóktaıǵaq bolady. 20-21 naýryz kúnderi túnde keı jerlerde jaýyn-shashyndy, kúndiz jańbyr jaýyp, tuman, kóktaıǵaq bolady. Jeldiń baǵyty shyǵystan soltústik batysqa aýysady. Kúshi sekýndyna 7-12 metrge jetedi. Kúndiz 2-7, keı jerlerde 10 gradýs jyly bolady», - dedi ınjener-sınoptık Indıra Qanıeva.
Aqtóbe oblystyq polıtsııa departamenti de kóktaıǵaq kezinde júrgizýshilerdi saq bolýǵa shaqyrdy.
«Aýa raıyna baılanysty jolda saq júrip, jyldamdyqty asyrmaýǵa, kúrt burylmaýǵa keńes beremiz. Sonymen qatar, ara qashyqtyqty saqtaǵan durys. Jaıaý júrginshiler de kóktaıǵaq kezinde saq bolýy kerek. Bıik ǵımaratqa jaqyn júrmegen jón», - dep habarlady oblystyq PD baspasóz qyzmeti.
