Tártip saqshylary 116 avtokólikten turatyn kolonnany dittegen jerine jetkizdi – Aqmola oblysy
KÓKShETAÝ. QazAqparat - Aýa raıynyń nasharlaýyna baılanysty (kóktaıǵaq, qar aralas jańbyr jáne boran) jol-kólik oqıǵalaryn boldyrmaý úshin Aqmola oblystyq polıtsııa departamentiniń qyzmetkerleri respýblıkalyq jáne oblystyq mańyzy bar avtokólik joldarynda qaýipsizdik sharalaryn kúsheıtip otyr, dep habarlaıdy QazAqparat tilshisi.
Aqmola oblystyq polıtsııa departamenti baspasóz qyzmetiniń málimetinshe, 7 qańtarǵa qaraǵan túni respýblıkalyq jáne oblystyq mańyzy bar avtojoldarda avtokóliktiń barlyq túr úshin qozǵalys shekteldi. Júrgizýshilermen profılaktıkalyq áńgimeler júrgizildi, patrýldik polıtsııanyń qosymsha ekıpajdary engizildi.
Búgin tańǵy saǵat 11:00-de jolda qalǵan avtokólikterdiń sany artýyna baılanysty «Baqaı-8P2» patrýldik polıtsııa rotasynyń ekıpajy avtokolonnalardyń qozǵalysyn qamtamasyz etti.
«Polıtseılerdiń basty mindeti tótenshe jaǵdaılarda jol júrý barysynda barlyq avtokólikterdiń qaýipsizdigin qamtamasyz etý boldy. Máselen, Aqmola oblysynyń aýmaǵynda Damsa kentinen Nur-Sultan qalasy baǵytynda 74 avtokólik, onyń ishinde 6-ýy aýyr júk kóligi. Sonymen qatar, Nur-Sultan qalasynan Qaraǵandy qalasyna deıin patrýldik polıtsııa rotasynyń ekıpajdary 42 kólik quralyn, onyń ishinde 4-i aýyr júk kólikterin alyp júrdi. Barlyq qabyldanǵan sharalar jol-kólik oqıǵalary men avarııalyq jaǵdaılardy boldyrmaýǵa múmkindik berdi», - dedi vedomstvodan.
Aıta keteıik, Aqmola oblysynda borannyń saldarynan jol apaty oryn alyp, jeńil kólik órtengen bolatyn.
