Tártip pen jumystyń sapasy bolmasa, sátti jańǵyrtýdyń bolýy múmkin emes - QR Prezıdenti
ASTANA-TARAZ. 5 qyrkúıek. QazAqparat - Egerde de biz joǵary álemdik standarttar men ómir sapasyna qol jetkizgimiz kelse, onda sáıkesinshe jumys isteýimiz qajet, dedi búgin Astanadaǵy Nazarbaev Ýnıversıtetinde ótip jatqan ınteraktıvti dáris barysynda QR Prezıdenti Nursultan Nazarbaev.
Sondyqtan da tártip pen jumys sapasy zor mańyzǵa ıe bolýda. Bul qarapaıym qaǵıdalarsyz sátti jańǵyrtýdyń bolýy múmkin emes, dep qadap aıtty Memleket basshysy.
«Memleket ómir sapasyn arttyrý úshin qansha jerden tyryssa da, ol árbir qazaqstandyqtyń úlesinsiz esh ónip-óspeıdi. Qur qol qýsyryp otyrýǵa bolmaıdy, memleket te árbir adamnyń ómirine aralasa almaıdy. Memlekettiń basty maqsaty - zeınetkerlerge kómektesý, al qalǵandaryna jumys isteý úshin jaǵdaı jasaý, árkim de el ıgiligi úshin qyzmet etýleri tıis. Egerde árqaısysy osyndaı pikirdi ustansa, elimizdiń tezirek damıtynyna senimdimin», - dedi Prezıdent.
