«Tártip» AQ 26 balaǵa «Alma-Arasan» shıpajaıyna joldama syılady
ALMATY. 1 maýsym. QazAqparat /Erlik Erjanuly/ - Búgin Almaty qalasyndaǵy «Tártip» aktsıonerlik qoǵamy uıym qyzmetkerleriniń balalaryna arnap mereke ótkizdi. Oǵan 12 jasqa deıingi 50-ge jýyq bala jınaldy.
«Arnaıy shaqyrylǵan ertegi keıipkerleri olardy «Karıb teńiziniń qaraqshylary» atty sıqyrly ertegi álemine saıahat jasatty. Onda belsendilik kórsetken búldirshinder Karıb teńiziniń oıynshyqtary men balmuzdaqtaryna qaryq boldy. Teńiz qaraqshylary bolyp baılyq izdeý balalarǵa unap qalǵany sondaı, olar ýaqyttyń tez ótip ketkenin baıqamaı da qaldy. Al saıahat sońynda úzdik shyqqan 26 balaǵa kásipodaq tóraıymy «Alma- Arasan» shıpajaıyny joldama tapsyrdy. Olar endi 10 kún boıy saýyqtyrý lagerinde alańsyz dem alatyn bolady", - deıdi "Tártip" AQ-nyń jurtshylyqpen baılanys jónindegi qyzmetkeri Janar Jaqanbaeva.
"Búgingi mereke bizdiń de kóńilimizden shyǵýda. Balalarymyzdyń júzine uıalaǵan ádemi kúlkini kórip, ata-ana retinde ózimizdi baqytty sezinýdemiz. Merekelerdiń birde-bireýin qalt jibermeı, joǵary deńgeıde atalyp ótilýine septigin tıgizip júrgen mekeme basshylyǵyna alǵysymyz sheksiz", - deıdi óz qýanyshymen bólisken uıym qyzmetkeri Janar Raıymqulova.
Qaramaǵymyzdaǵy 600-den astam qyzmetkerlerimizge barlyq jaǵynan kómek berýge daıynbyz. Ásirese áleýmettik jaǵdaıy tómen otbasylarǵa kóp kóńil bólemiz. Jaz boıy ózge balalarǵa da «Alma-Arasan» shıpajaıyna joldama berilmek", - deıdi Kásipodaq uıymynyń tóraıymy Shyryngúl Satvaldınova.
