TARMPÝ-lyq 100 stýdentke arnaıy shákirtaqy taǵaıyndalatyn boldy

NUR-SULTAN. QazAqparat – Taraz memlekettik pedagogıkalyq ýnıversıtetinde 100 stýdentke arnaıy shákirtaqy taǵaıyndalady. Bul jaıynda QR Bilim jáne ǵylym mınıstrliginiń EDU NEWS Telegram paraqshasynda jazyldy, dep habarlady QazAqparat.

«Taraz memlekettik pedagogıkalyq ýnıversıtetinde stýdent-pedagogtardy yntalandyrýdyń jańa júıesi retinde 100 stýdentke olardyń mártebesine qaramastan (grant alýshy nemese kelisimshart negizinde) aıyna 10 AEK mólsherinde arnaıy shákirtaqy taǵaıyndaý belgilendi», - delingen habarlamada.

Eger stýdenttiń GPA deńgeıi joǵary bolsa, qoǵamdyq ómirge belsendi aralassa jáne muǵalim bolýǵa yqylasy men umtylysy zor bolsa, onda árbir stýdenttiń joǵaryda atalǵan shákirtaqyny ıelenýine tolyq múmkindigi bar.