Tarlan Astana iske qosylǵaly beri 3,1 mıllıon adamdy tasymaldady
ASTANA. KAZINFORM — Tarlan Astana jeńil relsti kólik júıesi iske qosylǵan sátten beri onyń qyzmetin 3,1 mıllıon jolaýshy paıdalandy, dep habarlaıdy elorda ákimdiginiń resmı saıty.
— Qazirgi ýaqytta júıeniń ortasha táýliktik jolaýshylar aǵyny — shamamen 70 myń adam. Bul kórsetkish onyń elorda turǵyndary men qonaqtary arasynda joǵary suranysqa ıe ekenin kórsetedi. Tarlan Astana elordadaǵy qoǵamdyq kóliktiń negizgi túrleriniń birine aınalyp, jolaýshylarǵa jyldam, jaıly ári qolaıly qatynaý múmkindigine aınalyp keledi, — delingen habarlamada.
Aıta keteıik, elordada Tarlan Astana jobasynyń Qosshy baǵytyna arnalǵan ekinshi kezeńin iske asyrý jumysy da bastaldy. Jobanyń júzege asyrylýy elordanyń kólik ınfraqurylymyn odan ári damytýǵa, kólik qatynasynyń qoljetimdiligin arttyrýǵa jáne turǵyndar men qala qonaqtarynyń júrip-turýyna qolaıly jaǵdaı jasaýǵa múmkindik beredi.
Osydan buryn Astanadaǵy LRT-ǵa «Tarlan Astana» ataýy berilýi múmkin ekenin jazǵan edik.
