Tarlan Astana qurylysy: 245 tonnalyq arnaıy tehnıka alǵashqy arqalyqty ornatty
ASTANA. KAZINFORM – Qosshy qalasy baǵytyndaǵy Tarlan Astana júıesi jelisiniń qurylysy aıasynda tuńǵysh ret DF30/245 markaly arnaıy kópir ornatqysh tehnıkasy iske qosyldy.
Búgin onyń kómegimen alǵashqy temirbeton arqalyq kóterilip, ornatyldy.
Bul jabdyq jumystyń tolyq tsıklin atqarady: arqalyqty kóteredi, ony estakada boıymen arnaıy tehnıkamen jyljytady jáne tirekterge ornyqtyrady. Mundaı tehnologııa Qazaqstanda alǵash ret qoldanylyp otyr. Ol kólik qozǵalysyn shekteý qajettiligin barynsha azaıtyp, aralyq qurylymdardy montajdaý jumysyn edáýir jedeldetýge múmkindik beredi.
Tarlan Astana jobasy úshin júk kótergishtigi 245 tonna bolatyn kópir ornatqysh aldyn ala kernelgen temirbeton arqalyqtardy montajdaý talaptaryn eskere otyryp arnaıy jobalanyp, daıyndalǵan. Tehnıka zııatkerlik basqarý júıesimen jáne qashyqtan basqarý pýltimen jabdyqtalǵan. Bul jumystyń joǵary dáldikpen jáne qaýipsiz atqarylýyna múmkindik beredi.
Qurylys barysynda aýyr temirbeton konstrýktsııalarymen jumys isteýge arnalǵan MGA serııasyndaǵy eki arqalyqty kópirli krandar da qoldanylyp jatyr. Mundaı mamandandyrylǵan tehnıkany paıdalaný sapa men qaýipsizdiktiń joǵary standarttaryn saqtaýǵa múmkindik beredi.
Aıta ketelik Tarlan Astana stantsııalarynda 10 ákimshilik quqyq buzýshylyq tirkelgen edi.
