Tarkannyń ár kontserti 370 myń dollar paıda ákelmek
ASTANA. QazAqparat - Megajuldyz Tarkan Ystambuldaǵy Harbıe sahnasynda qoıatyn ár kontserti úshin 800 myń túrik lırasy kóleminde (370 myń AQSh dollary) paıda tappaq, dep habarlady www.24.kz
Bul týraly jergilikti aqparat quraly málim etti. Jyl saıyn qyrkúıektiń alǵashqy aptasynda ánshi dástúrli túrde esep berý keshin ótkizedi. Alaıda bıyl ataqty pop juldyz óziniń súıikti tyńdarmandaryna bes kún qatarynan kontsert bermek. Oǵan shamamen 30 myń bılet satylady dep josparlanýda. Ár kesh úshin Tarkannyń taza tabysy 800 myń túrik lırasyn (370 myń AQSh dollary) qurap otyr. Kontsert qyrkúıektiń 3 men 8-i aralyǵynda Ystambuldyń Harbıe sahnasynda ashyq aspan aıasynda ótedi.
