Tarıhymyzdyń bastaýy Qazaq handyǵynan da tereńde jatyr - Rahman Alshanov
«Táýelsizdik jyldary erekshe kezeń sońyna jetti. Halqymyzdyń róli týraly kóptegen pikirtalastar boldy. Sebebi, buryn ıdeologııalyq shtamptar, halqymyzdyń tarıhyn qorlaıtyn, tipti, burmalaıtyn tujyrymdar boldy. Prezıdent osynyń barlyǵyna núkte qoıdy. Bizdiń kim ekendigimiz týraly kóptegen suraqtar boldy. Massagetter, saqtar, ǵundar...?», - dedi R.Alshanov.
Onyń aıtýynsha, bizdiń halqymyzdy qurǵan - qazirgi Qazaqstannyń aýmaǵynda turyp kelgen etnostar.
«Keńistigi men ýaqyty sáıkes kelgen halyqtar kemde-kem. Ejelgi Rımdi nemese Ejelgi Rýsti meken etken taıpalar sol jerde keıinnen qalyptasqan halyqtyń negizin qurady. Qazaqtarda dál solaı. Munyń bárin álemdik tarıh pen álemdik ǵylymnyń jetistikteri mánmátininde qarastyrý kerek. Memleket basshysy fragmenttikten bas tartýymyz kerektigin aıtty. Saqtar men massagetter bir kezderi bolyp, keıin joq bolyp ketken joq. Qazaqtar aspannan túsken joq. Bul durys emes. Qolǵa túsken jańa derekterge qaraı otyryp jáne olardy jıyntyqtaı kele, bizdiń halqymyzdyń paıda bolýy osy jerde turǵan taıpalarmen baılanysty ekenin aıta alamyz», - dep jetkizdi sarapshy óz oıyn.
Bul rette ol qazaq halqy Qazaq handyǵy qurylǵannan áldeqashan buryn bolǵanyn atap ótti.
«Qazaq handyǵynyń 550 jyldyǵy týraly toqtalǵanda, mynany suraǵym keledi: biz sonda buryn bolmadyq pa? 550 jyl buryn Qazaq handyǵy qurylsa, bizdiń halqymyzdyń tarıhy odan da tereńde. Men sońǵy jyldary Avestamen aınalysyp jatyrmyn. Avestada kóptegen dástúrler bolǵan. Birqatar reseılik genetıkter bul oqıǵanyń 4 myń jyl buryn bolǵanyn dáleldeýde. Olardyń túp-tamyry sol ýaqyttan bastalǵan. ıAǵnı, bizdiń tilimiz ben dástúrimiz tereńde jatyr. Sondyqtan, Prezıdenttiń ıdeıasy bizdiń túp negizimizdi tereńdetýde», - dep túıindedi R.Alshanov.
Foto: daz.asia