Tarıhymyzdaǵy qaıǵy-qasiret qazirgi ómirimizge mán-maǵyna berýi tıis – Raýan Kenjehanuly
«Memleket basshysy bul maqalasynda koronavırýs indetinen keıin qalypty ómirge qaıta oralǵan kezde biz úshin eń basty qundylyq, ómirimizge, tirshiligimizge mán beretin nárse – Táýelsizdik ekenin, Táýelsizdikten qymbat, Táýelsizdikten qasterli eshteńe joq ekendigin aıtqan. Bul - óte durys jáne der kezinde aıtylǵan másele», - deıdi «Ulttyq aýdarma bıýrosy» qoǵamdyq qorynyń atqarýshy dırektory Raýan Kenjehanuly.
Memleket basshysy maqalasynda egemendigimizdiń máńgilik úshtaǵany – jerimiz, tilimiz jáne birligimiz ekenin sóz etedi.
«Bul úsheýi de - mańyzdy, negizgi másele. Prezıdent jerdiń bólinbeıtindigin, shetelge jalǵa berilmeıtinin jáne satylmaıtynyn aıtty. Ol maqalada biz úshin memleket bolyp saqtalýyp qalýymyzdyń jáne táýelsizdigimizdiń basty alǵysharty – jer ekendigin, bárimizdi biriktirip, ómirimizge mán beretin negizgi qundylyq – til ekendigin, birge eńbek etý úshin birliktiń qajet ekendigin óte jaqsy túsindirgen. Sondaı-aq, onyń tarıhı sana týraly aıtqany meniń kóńilimnen shyqty. Rasymen, biz tarıhymyzda bolǵan qaıǵy-qasiretti aza tutýǵa kóbirek kóńil bóletin sııaqtymyz, ol da durys shyǵar, biraq eń bastysy – ol qaıǵy-qasiret pen qıyndyqtar bizdiń qazirgi ómirimizge mán-maǵyna berýi tıis. Sol arqyly rýhty kóterip, urpaqty memleketshildikke, otanshyldyqqa úndeý, tárbıeleý mańyzdy. Onyń júzege asýy úshin mamandar, tarıhshylar, kınoshylar jáne basqalary naqty ne isteı alatyndyǵy atap kórsetilgen. Bul da óte oryndy, durys aıtylǵan», - deıdi ol.
Sondaı-aq, ol Memleket basshysynyń aýdarma salasyna qatysty aıtqan oıyna toqtaldy.
«Prezıdent balalar ádebıeti, tarıhymyz shet tilderge aýdarylýy qajettigin aıtty. Bul - óte mańyzdy ári qajet dúnıe. Ózim osy salada júrgendikten bul máseleniń qanshalyqty ózekti ekenin jaqsy túsinemin. Azamat retinde de, maman retinde de Memleket basshysynyń oıyn qoldap, júzege asyrýǵa atsalysamyz», - deıdi ol.
Eske sala ketsek, búgin Qazaqstan Respýblıkasynyń Prezıdenti Qasym-Jomart Toqaev «Egemen Qazaqstan» gazetinde «Táýelsizdik bárinen qymbat» atty maqala jarııalady.
