Tarıhymyz qazaq dalasynda ertede ómir súrgen saq, úısin, ǵun jáne túrik qaǵanattarymen tikeleı baılanysty - Jandarbek Málibekov

ASTANA. QazAqparat - Tarıhymyz qazaq dalasynda ertede ómir súrgen saq, úısin, ǵun jáne de túrik qaǵanattarymen tikeleı baılanysty. Bul týraly QR Memlekettik Eltańbasynyń avtory Jandarbek Málibekov aıtty.

«Qazaq halqy keshe ǵana qalyptasqan joq, onyń tarıhy óte tereńde ekeni belgili. Bizdiń qazaq dalasynda erteden saq, úısin, ǵun jáne de túrik qaǵanattary ómir súrdi. Tarıhymyz olarmen tikeleı qatysty. Odan keıin Altynorda, onyń ishinen qazaq handyǵy jeke bólinip shyqty. Elbasymyz Nursultan Nazarbaevtyń Ulytaýdaǵy sóılegen sózinde aıtqan máselelerdiń, ǵundardan beri, qazirgi táýelsizdik dep kele jatqan máselelerdiń barlyǵy halqymyz úshin mańyzdy, ásirese jastar úshin tereń mańyzdy ekenin aıtý kerek degen bolatyn. Endeshe Qazaq handyǵynyń 550 jyldyǵyn toılaý, óskeleń urpaq úshin uly tarıh beti», - dedi Jandarbek Málibekov.