Tarıhty táýelsizdik turǵysynan qaıta qurý úrdisin bastadyq - QR Prezıdenti
ALMATY. Aqpannyń 3-i. QazAqparat /Erlik Erjanuly/ - Mádenıet - ulttyq kórsetkish. Ony Elbasy búgin Almatyda Prezıdenttik jáne Memlekettik stıpendııalardy tapsyrý rásiminde aıtty,
dep habarlaıdy QazAqparat.
"Biz barymyzdy bútindep, joǵymyzdy túgendeý maqsatymen "Mádenı mura" degen baǵdarlamany júzege asyryp jatyrmyz. Men mundaı baǵdarlamany eshbir memlekette kórgem joq. Ony bizdiń mádenı ómirimizdegi qazaqtyń eń tarıhı oqıǵasy dep sanaımyn. Elimizdiń tarıhy týraly kóne jádigerler, kitaptardy álemniń túkpir-túkpirinen aldyryp shyǵaryp jatyrmyz. Tarıhty táýelsizdik turǵysynan qaıta qurý úrdisin bastadyq", dedi Elbasy Nursultan Nazarbaev. «Mádenı mura» baǵdarlamasy aıasynda kóptegen eskertkishter qalpyna keltirilip halyqqa kórsetile bastady. Ádebıet pen ónerdiń álemdik aqyl-oı qazynasynyń asyl jaýharlaryn da qazaq tiline aýdarylyp jatyr. Rýhanı álemimizdi osylaı baıytyp jatyrmyz». Bul jumystar qyrýar qarjy men kúsh- jigerdi qajet etetinin aıtqan Nursultan Ábishuly, bul el tarıhynda eshýaqytta bolmaǵan jaǵdaı ekenin eskertti. Ony júzege asyrýdaǵy zııaly qaýymnyń eren eńbegin de nazardan tys qaldyrmady.
