Tarıhty taný úshin onymen maqtanatyndaı jaǵdaı jasaý qajet - Darhan Myńbaı
«Túbin bilmegen túgin bilmeıdi» demekshi, maqalada arǵy tegimizdi túgeldeıtin biraz dúnıe aıtyldy. Endigi másele aıtylǵan tapsyrmalar boıynsha naqty iske kirisý. Maqalany oqı kele bir uqqanym, bizdiń tarıhymyz asa baı, Prezıdent sol baılyǵymyzdy durys paıdalanýdy ditteýde. Sebebi, Elbasy aıtqandaı, biz tól tarıhymyzdy tolyq tanyp bilgen joqpyz. Tarıhymyzdy tolyq tanımyz desek, onymen maqtanatyndaı jaǵdaı jasaýymyz kerek. Maqaladaǵy atalyp ótilgen jeti qyrdy júzege asyrsaq Uly dalanyń ulylyǵy odan ári aıqyndalatyny anyq», - dedi Darhan Myńbaı.
Halyq qalaýlysynyń pikirinshe, maqalada aıtylǵan Uly dalanyń jeti qyrynyń biri - Alataý baýraıyndaǵy alma men qyzǵaldaqty odan ári brendke aınaldyrý úshin, olardy Astanadaǵy Botanıkalyq baqqa otyrǵyzý qajet. Sondaı-aq, jalpy elimizdiń aýmaǵyndaǵy sırek kezdesetin ósimdikterdi de elorda tórine ákelýge bolady. Astanada halyqaralyq mańyzy bar sharalar jıi ótedi. Osy turǵyda sheteldik qonaqtar otandyq brendterimizben tanysa alar edi.
«Biz biletin jeti qyrdyń astarynda myń syr bar. Júktelgen tapsyrmany el bolyp jumylyp jasaǵan jón. Óıtkeni, bul barshaǵa ortaq abyroı. Túrki dúnıesin jınaýdaǵy taǵy bir kóńilime qonǵany: tarıhtyń shańy basqan arhıv isin ilgeriletý. Osy rette, Úkimet arhıv isi boıynsha arnaıy baǵdarlama qabyldap, ony zamanǵa saı tolyq tsıfrlandyrý júıesine kóshirýi qajet. Mysaly, bizdiń túp tarıhymyzǵa qatysty Armenııa arhıvinde tyń dúnıeler bar. Ony ekiniń biri bilmeıdi, kúzek kúttirmeı qolǵa alatyn dúnıeniń biri - osy Armenııa arhıvi. Bir eskeretin dúnıe, arhıv búgin baryp, erteń alyp keletin is eme. Bul jerde memlekettik saıasat jatyr. Keıde memleket basshylarynyń qatysýymen atqarylatyn sharýa», - dedi ol.
Eske salaıyq, keshe Elbasynyń «Uly dalanyń jeti qyry» atty maqalasy jarııalandy. Onda ejelgi dáýirden qazirgi zamanǵa deıingi kezeńdi qamtıtyn barlyq otandyq jáne sheteldik muraǵattar dúnıesine irgeli zertteýler júrgizý úshin «Arhıv - 2025» jeti jyldyq baǵdarlamasyn jasaý qajetti atap ótildi.
