Tarıhtaǵy hanymdar men hanshalar, dana jáne batyr analary týraly derekter tereń zertteledi
«San ǵasyrlyq tarıhymyzda el birligi úshin basyn báıgege tigip, jerin qorǵaý úshin atqa qonǵan, bir aýyz sózben bılik aıtqan dana, batyr jáne sheshen áıelder týraly derekter barshylyq. Degenmen, jazba derekter, naqty faktiler qamtylǵan qujattar búgingi zamanǵa tolyq kúıinde jetken joq. Aldaǵy ýaqytta mundaı qundy derekterdi álem elderiniń muraǵattarynan, óz elimizdegi derek kózderinen jınastyryp, urpaq ıgiligine usynsaq degen oıymyz bar»,-dedi Memlekettik hatshy.
Bıyl el bolyp atap ótip jatqan Qazaq handyǵynyń 550 jyldyǵy aıasynda otandyq tarıhshy ǵalymdar aldaǵy ýaqytta zerdelenetin birqatar mádenı jáne tarıhı qundylyqtar bar ekenin alǵa tartýda.
«Sonyń ishinde qazaq handyǵy uǵymyn memleketshildik jáne dástúr kategorııalarymen júıelep, baıyta túsý kerek degen pikirdemin», - edi G. Ábdiqalyqova.
Osy oraıda ol handyq týraly tolyqqandy uǵym qalyptastyrý úshin han ordasynda eldik deńgeıdegi keńester men tarıhta qalǵan hanymdar men hanshalar, bı men batyrlardyń analary men asyl jarlary týraly tarıhı maǵlumattardy tereń zerdelegen jón ekenin tapsyrdy.
Memlekettik htshy hanǵa ádildigin aıtqan Qarashashtan bastap, el tutqasy bolǵan Aıǵanym men Fatıma hanshalar, jaýǵa qarsy shapqan erjúrek Gaýhar men Bopaı sııaqty batyr jarlar, sondaı-aq esimderi tutas jurttyń tárbıesi besigine aınalǵan basqa da analardyń rýhanı tuǵyry ýaqyt ótken saıyn asqaqtaı beretinin atap ótti.
Aıta keteıik, atalǵan respýblıkalyq ǵylymı-tájirıbelik konferentsııany QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııa, L.N. Gýmılev atyndaǵy EUÝ men Qazaqstandaǵy BUU Damý baǵdarlamasy uıymdastyrdy. Konferentsııaǵa qatysýshy ǵalymdar Aıǵanym hansha, Bopaı hanym men Baı Ananyń, Toıqara hanymnyń jáne qazaq halqynyń ózge de belgili ókilderiniń esimderi jaıynda baıandamalar jasady.
