Tarıhtaǵy eń iri ekologııalyq apatty jasaǵan VR kompanııasy sot sheshimine shaǵymdanbaq
ASTANA. QazAqparat - «2010 jyly Meksıka shyǵanaǵynda «British Petroleumnyń» burǵylaý platformasynda bolǵan apat munaı kompanııasynyń óreskel jaýapsyz áreketinen bolǵan» degen sot sheshimine narazylyq tanyqtan kompanııa endi shaǵymdanbaq, dep habarlady VVS.
Óıtkeni, VR ókilderiniń málimdeýinshe, mundaı sot sheshimi kompanııa aktsııasynyń kúrt tómendeýine sebep bolyp otyr.
Sot sheshimimen VR-ǵa qosymsha aıyppul salyndy. Kompanııa budan buryn Meksıka shyǵanaǵy jaǵalaýyndaǵy turyndardyń ótemaqy qoryna birneshe mıllıon aýdarǵan.
Eske sala keteıik, Jańa Orleannyń ońtústik-shyǵysynda, 210 shaqyrymda teńizde ornalasqan VR-diń «Deepwater Horizon» burǵylaý platformasyndaǵy oqıǵa tarıhtaǵy eń iri ekologııalyq apat bolyp esepteldi. 2010 jylǵy sáýirde bolǵan sol jarylystan 11 adam qaza taýyp, Meksıka shyǵanaǵyndaǵy teńizge mıllıondaǵan munaı barreli tógilgen bolatyn.
