Tarıhtaǵy eń baı adamdar kimder - VVS
ASTANA. QazAqparat - Forbes jarııalaǵan mıllıarderler tiziminde Amazon kompanııasynyń negizin qalaǵan Djeff Bezos álemdegi eń baı adam dep tanyldy. Onyń baılyǵy 131 mlrd dollardy quraıdy jáne ol búgingi tańdaǵy eń baı adam sanalady. VVS basylymynyń jazýynsha, Djeff Bezos álemdegi eń baı adam bolǵanymen, tarıhta odan da baı adamdar bolǵan.
«Adamzat tarıhyndaǵy eń baı adam - XIV ǵasyrda Batys Afrıkany bılegen Manse Mýse. Onyń baı bolǵany sonsha, qazirgi tańda onyń bar baılyǵy qansha bolǵanyn aıtý múmkin emes. Alaıda, bir belgilisi, ol memleket ekonomıkasyn quldyratyp jibergen», -dep jazady basylym.
Maqalada jazylǵandaı, Afrıka patshasynyń baılyǵyn eshkim sıpattaı da almaǵan eken.
«Malı ımperııasynda altyn men qymbat taýarlar óte kóp bolǵan jáne onyń kóbi patsha ıeliginde edi. Soǵan qaramastan ımperııa tanymal bolǵan emes», - deıdi avtor. Onyń jazýynsha, Mansa Mýsa Mekkege qajylyq sapar shekken kezde qasyna altyn kıim kıgen 60 myń adamdy alyp shyqqan.
«Mansa Mýsanyń qajylyq sapary ekonomıkalyq quldyraýǵa alyp keldi. Sebebi ol úsh aı boıy altyn taratqandyqtan, onyń baǵasy quldyrap ketti», deıdi avtor. Maqalada tarıhtaǵy eń baı adamdar qatarynda Rım ımperatory Avgýst Tsezar, Qytaı ımperatory Chjao Sıýı, Úndistandaǵy moǵoldar dınastııasynyń basshysy I Akbar, amerıkalyq óndirýshi Endrıý Karnegı, amerıkalyq bıznes magnat Djon D. Rokfeller, Reseı patshasy Nıkolaı Aleksandrovıch Romanov, úndi patshasy Mır Osman Alı Han, Lıvııa bıleýshisi Mýammar Kaddafı bar.
