Tarıhta tuńǵysh ret arab astronavty ashyq ǵaryshqa shyqty

ASTANA. QazAqparat - Birikken Arab Ámirlikteriniń ǵaryshkeri Sultan ál-Neıadı ashyq ǵaryshta NASA astronavty Stıv Boýenge qosylý úshin halyqaralyq ǵarysh stantsııasynyń modýlinen shyqty, dep habarlaıdy QazAqparat Euronews agenttigine silteme jasap.

Ál-Neıadıdiń otany ǵaryshtaǵy bul saıahatty «tarıhtyń eleýli kezeńi» dep atady. Otandastary astronavqa «Ǵarysh sultany» degen at qoıdy.

41 jasynda Sultan ál-Neıadı ashyq ǵaryshqa shyqqan alǵashqy arab ǵaryshkeri atandy.

Ol alty aıdan beri HǴS bortynda boldy.

Stantsııa modýlinen shyqqannan keıin ál Neıadı NASA-daǵy áriptesimen birge modýldi energııamen jabdyqtaý júıesin jańartý jumysyn atqardy.