Tarıhta batyrlar týraly kitapty batyrlar ǵana jazǵan kezeń boldy - Bolathan Taıjan qorynyń prezıdenti
ALMATY. Shildeniń 6-sy. QazAqparat /Erlik Erjanuly/ - Tarıhta batyrlar týraly kitapty batyrlar ǵana jazǵan kezeń boldy. Bul áńgime búgin Almatyda 64 jyldan keıin qaıta basylǵan Eltoq Dilmuhamedovtyń «1837-1847 jyldardaǵy Kenesary Qasymuly bastaǵan qazaqtardyń kóterlisi» degen kandıdattyq dıssertatsııasynyń jańa basylymynyń tusaýkeserinde aıtyldy,
dep habarlaıdy QazAqparat.
«Dıssertatsııa 1946 jyly jeltoqsannyń 17-si kúni Tashkentte qorǵalǵan. Eltoq Dilmuhamedov bul kitapty ult úshin jazdy. Ol kezde batyr týraly kitapty batyrlar ǵana jaza aldy. Sondaı kezeńde bul taqyrypty alyp, ony qorǵap shyǵý zor erlik bolatyn», deıdi monografııany qaıta basyp shyǵarǵan Bolathan Taıjan qorynyń prezıdenti Muhtar Taıjan. Onyń aıtýynsha, opponenti tanymal ǵalym Ermuhan Bekmahanov bolǵan E. Dilmuhamedovtyń bul eńbegin jertólede saqtalyp qalǵan jalǵyz nusqasy arqyly bala-shaǵasy qaıta jaryqqa shyǵaryp otyr. Qazir ol respýblıkanyń túrli deńgeıdegi barlyq kitaphanalaryna taratyldy. Sondaı-aq elektrondyq nusqasy qordyń ınternet saıtyna (boketaizhan.kz) ornalastyrlyp otyr.
«Bul kitapta Eltoq Dilmuhamedov qazaq jerin patshalyq Reseıdiń jaýlap alýy І Petrdiń kezinde bastalyp, alǵashqy bekinister sol kezeńde salyna bastaǵanyn, Kenesary 35 jasynan qasyna sarbazdar jınap, táýelsizdik úshin kúreske shyqqanyn naqty derektermen kórsetedi», deıdi Muhtar Bolathanuly. Onyń aıtýynsha, sol kezde de qazaq halqy elıtasynyń bir toby táýelsizdikti jaqtasa, ekinshisi Reseı qoltyǵynda bolýdy qalaǵan. Kenesary orys halqyna emes, Reseıdiń jaýlaýshylyq saıasatyna qarsy kúresip júrgenderin san márte aıtady. Sondyqtan onyń áskeriniń arasynda aıdaýda júrgen saıası dıssıdenterden bólek, basqa ult ókilderi de az bolmaǵan. Tarıhtyń aşy shyndyǵyn jazǵany úshin Eltoq Dilmuhamedovty keńestik bılik ultshyl dep aıyptap, monografııasyn barlyq kitaphanadan alyp, joıýǵa deıin bardy.
